Kapetingers
De Kapetingers (Frânsk: Les Capétiens) of it laach Kapet of Hûs Kapet is in Frânsk keningslaach dat fan 987 oant 1328 oer Frankryk regeare hat.
As hearskers fan Frankryk wiene sy de opfolgers fan de Karolingers. Harren namme is ôflaat fan Hugo, de earste Kapetingyske kening dy't bekend stie as Hugo Capet en besibbe wie oan de Karolingen.
List fan Frânske keningen fan it laach Kapet
- 987 - 996: Hugo Kapet, Greve fan Parys, kroand ta kening fan Frankryk
- 996 - 1031: Robert de Fromme
- 1031 - 1060: Hindrik I
- 1060 - 1108: Filips I
- 1108 - 1137: Loadewyk VI de Dikkert
- 1137 - 1180: Loadewyk VII de Jongere
- 1180 - 1223: Filips II Augustus
- 1223 - 1226: Loadewyk VIII de Liuw
- 1226 - 1270: Loadewyk IX (Sint Loadewyk)
- 1270 - 1285: Filips III de Dappere
- 1285 - 1314: Filips IV de Moaie
- 1314 - 1316: Loadewyk X de Woelige of de Wrokker
- 1316: Jon I de Postume
- 1316 - 1322: Filips V de Lange
- 1322 - 1328: Karel IV de Moaie
Yn 1328 hie it Hûs Kapet gjin streekrjochte ôfstammelingen yn de manlike liny. Oars as yn oare lannen hâlde Frankryk him oan de saneamde Salyske wet dêr't in frou net ta kening kroane wurdt mocht. Dêrom waard as nije kening fan Frankryk keazen, Filips VI fan Frankryk, in lid fan it Hûs Valois en in neef fan Filips IV de Moaie.
This article uses material from the Wikipedia Frysk article Kapetingers, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.