Jacob Everard (Jaap) ter Haar (Hilfertsom, 25 maart 1922 – Laren, 26 febrewaris 1998) wie in Nederlânsk histoarikus en skriuwer fan berne-, skiednis- en mytologyske boeken.
Nei de Twadde Wrâldkriich waard er oarlochskorrespondint yn Yndoneezje. Nei't er ôfkeurd waard foar militêre tsjinst gie er oan 't wurk by de Wrâldomrop.
Ut leafhabberij begûn er ferhaaltsjes te skriuwen. Dit foel yn de smaak en rillegau sette er útein mei it skriuwen fan harkspullen (foar de radio) en boeken. De avontoeren fan 'Saskia en Jeroen' en 'Ernstjan en Snabbeltje' wienen te hearren op de frije (fan skoalle) woansdeitemiddeis.
Fan 1952 ôf lei er him folslein ta op it skriuwen fan boeken; yn tweintich jier produsearre er mear as tachtich mânske boeken. De measte boeken wiene berneboeken. Dêrneist makke er skiednisboeken.
Doe't de fjouwerdielige rige 'Skiednis fan de Lege Lannen' tsjin de ein fan de jierren santich ôf wie, rûn syn produksje tebek en wije er him mear oan it skilderjen.
Hy hie in byldzjende styl fan skriuwen en mjoksele feiten en (diels) optochte ferhalen trochelkoar; sa ûntstie in tige lêsber gehiel. Ter Haar bewurke teffens in grut oantal sêgen en leginden.
This article uses material from the Wikipedia Frysk article Jaap ter Haar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.