Ivan V Fan Ruslân
Ivan V Aleksejevitsj (Russysk: Иван V Алексеевич) (Moskou, 27 augustus 1666 – dêre, 29 jannewaris 1696) wie tsaar fan Ruslân fan 25 juny 1682 oant 1696, tagelyk mei syn jongere broer Peter de Grutte.
Hy wie it alvde bern fan Aleksej I fan Ruslân en Maria Milroslavskaja.
.jpg)
Biografy
Nei de dea fan syn heit Fjodor III, waard hy ûnder regintskip fan syn suster Sofia en mei syn healbroer Peter de Grutte, tsaar fan Ruslân ("dûbeltsaar", yn 't Russysk: dvoetsarstvenniki). Nei de fal fan Sofia waard er, op 27 jier âld, geastlik beheind ferklearre en net by steat om te regearjen; dat hie wie tenei allinne noch yn namme tsaar fan Ruslân. Hy gie mei yn alles wat Peter him útstelde. Hy krige fiif doachters, ûnder oaren Anna dy't letter tsarina wurde soe.
Sun ferstjerren yn 1696 is yn de Russyske skiednis net folle mear as in kanttekening. Ivan V waard byset yn de 'Tsjerke fan de Aartsingel' oan it Kremlyn fan Moskou.
Houlik en bern
Ivan boaske 9 jannewaris 1684 mei Praskovja Fjodorovna Saltikova (21 oktober 1664 - 1723). Sy krigen tegearre fiif bern:
- Maria Ivanovna Romanov (1689-1692)
- Teodosia Ivanovna Romanov (1690-1691)
- Katarina (1692-1733), boaske mei Karel Leopold fan Mecklenburg-Schwerin
- Anna (1693-1740), hartoginne fan Koerlân, keizerinne fan Ruslân, boaske mei Frederik Willem Kettler
- Praskovja (1694-1731), boaske mei Ivan Dimitriev-Mamonov
Keppeling om utens
 | Ofbylden dy't by dit ûnderwerp hearre, binne te finen yn de kategory Ivan V of Russia fan Wiki Commons. |
This article uses material from the Wikipedia Frysk article Ivan V fan Ruslân, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.