Ids de Beer (Nes (West-Dongeradiel), 7 juny 1916 - Ljouwert, 2 febrewaris 1945) wie in Nederlânsk fersetsstrider yn de Twadde Wrâldkriich.
De Beer wie hannelsreizger en wenne yn Nes (Dongeradiel). Hy wie lid fan de LO fan Dokkum. Syn fersetsnamme wie "Viervoeter". Nei de eksekúsje fan tweintich finzenen oan de Wâldwei te Dokkum op 22 jannewaris 1945, sochten alle fersetsminsken út dy kriten sa gau mooglik in feilich ûnderdûkplak. Ek De Beer stie op de list fan minsken dy't socht waarden. Op 2 febrewaris waard syn skûlplak yn Ljouwert ûntdutsen. Hy besocht te flechtsjen, mar waard delsketten en is noch deselde deis oan syn ferwûnings stoarn.
De Beer wie grifformeard en hannele tsjin ûnrjocht fanút syn bibelske oertsjûgings. Hy wie troud en liet in frou en twa bern nei. Hy waard beïerdige op it Herfoarme Begraafplak yn Nes. Yn Nes is ek in betinkteken foar him oprjochte en in strjitte nei him neamd.
This article uses material from the Wikipedia Frysk article Ids de Beer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.