Hanadi Zakaria al-Hindi (Arabysk: هنادي زكريا الهندي; Mekka, septimber 1978) is de earste profesjonele froulike piloat fan Saûdy-Araabje.
Hanadi Zakaria al-Hindi | ||
persoanlike bysûnderheden | ||
echte namme | Hanadi Zakaria al-Hindi | |
nasjonaliteit | Saûdysk | |
berne | septimber 1978 | |
berteplak | Mekka (Saûdy-Araabje) | |
etnisiteit | Hidjazysk-Arabysk | |
wurkpaad | ||
berop/amt | piloate | |
jierren aktyf | 2005 – no | |
reden bekendheid | earste froulike beropspiloat yn Saûdy-Araabje |
Al-Hindi waard yn 1978 berne yn Mekka, de islamityske hillige stêd yn 'e Hidjas-regio fan westlik Saûdy-Araabje. Hja behelle har fleanbrevet en learde foar profesjoneel ferkearsfleander oan 'e Middeneastlike Akademy foar Kommersjele Loftfeart (Middle East Academy for Commercial Aviation) yn 'e Jordaanske haadstêd Amman. Op 15 juny 2005 slagge Al-Hindi dêre foar har eksamens.
Neitiid tekene hja in tsienjierrich kontrakt om te fleanen foar de Kingdom Holding Company fan 'e Saûdyske prins Al-Waliid bin Talaal, foar wa't se syn priveefleantúch bestjoerde. Prins Al-Waliid wurdt rûnom beskôge as in foarstanner fan frouljusemansipaasje yn it aartskonservative Saûdy-Araabje, dêr't froulju net iens in auto bestjoere meie.
Om't der (noch) gjin wetten bestiene dy't froulju ferbeaen fleantugen te bestjoeren (mei't fan sokke wetten noch nea ferlet west hie), betelle prins Al-Waliid foar de oplieding fan Al-Hindi mei it spesifike doel om in froulike piloat yn 'e loft te krijen ear't de konservativen yn syn heitelân maatregels nimme koene om dat tsjin te kearen. Yn 2014 wist prins Al-Waliid syn piloate Al-Hindi sertifisearre te krijen om yn it Saûdyske loftrom te fleanen.
Boarnen, noaten en/as referinsjes: |
Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Hanadi Zakaria al-Hindi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.