Han Peekel
Han Peekel (Rotterdam, 6 oktober 1947 - Sanur, Yndoneezje, 14 desimber 2022) wie in Nederlânsk telefyzjeprodusint, radio- en televyzjepresintator, produsint, skriuwer en sprekker.
Hy wie benammen bekend as presintator fan telefyzjeprogramma's as Wordt Vervolgd en TV Monument.
| Han Peekel | ||
 tillefyzje- en/of radiopersoanlikheid | ||
 | ||
| Han Peekel (jierren 90) | ||
| persoanlike bysûnderheden | ||
| echte namme | Han Peekel | |
| nasjonaliteit |  Nederlânsk | |
| berne | 6 oktober 1947 | |
| berteplak | Rotterdam | |
| stoarn | 14 desimber 2022 (lokale tiid Baly, UTC+8) | |
| stjerplak | Sanur  | |
| wurkpaad | ||
| wurksum as | Telefyzjeprodusint, Telefyzje presintator, Skriuwer Sjonger | |
| medium | Telefyzje | |
| wurksum by | AVRO, Kindernet, Omrop MAX | |
| bekend fan | Wordt Vervolgd | |
| jierren aktyf | 1963-2022 | |
Karriêre
Op jonge leeftiid begûn Peekel mei it skriuwen fan ferskes. Peekel begûn syn karriêre begjin jierren sechtich as sjonger fan Nederlânsktalige harkferskes. Ek wie er radiopresintator by Radio Veronica dêr't Peekel fan septimber 1963 oant jannewaris 1964 in programma oer harkferskes presintearre. Peekel wie oant 1970 aktyf as sjonger en song neist eigen lieten in soad wurk skreaun troch Hans van Deventer. Nei syn karriêre as sjonger krige er in baan by de KRO en wurke mei oan radioprogramma's as Zonnebloem, Letter M en Vroege Vogels. Ek wurke er foar de NCRV en de NOS. Peekel wie dêrneist ek muzykprodusint by Bovema in foarrinner fan EMI.
Peekel waard lanlik bekend troch de jierrenlange presintaasje fan AVRO's Wordt Vervolgd, in programma oer Tekenteltsjes en tekenfilms. Peekel soe it programma úteinlik 17 jier lang presintearje. Nei't Peekel troch de rjochtbank yn 1991 feroardiele waard ta in taakstraf en in boete foar belestingfraude, mocht er Wordt Vervolgd net mear presintearje fan de AVRO. Syn opfolger waard Judith de Bruijn, dy't it programma oant en mei 1993 presintearre by de AVRO. Dêrnei sette Han Peekel it programma fan 1994 oant 1997 fuort op Kindernet in Nederlânske telefyzjestjoerder mei berneprogramma's. Dêrneist hat Han Peekel mear as 120 ôfleveringen makke fan it programma TV Monument, in earbetoan oan de makkers fan telefyzjeprogramma's, lykas Floortje Dessing, André van Duin, en Joop van den Ende.
Han Peekel ferstoar op 14 desimber 2022, yn 'e aldens fan 75 jier oan de gefolgen fan hertfalen, wylst er op fakânsje wie op Baly.
| Boarnen, noaten en/as referinsjes: | ||
|
This article uses material from the Wikipedia Frysk article Han Peekel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.