Grenoble
Grenoble (Arpitaansk: Grenoblo, Oksitaansk: Grenòble) (160.215 ynwenners, sawat 500.000 yn de agglomeraasje) is in stêd yn súdeast-Frankryk, oan de foet fan de Alpen, dêr't de rivier Drac en de rivier Isère gearkomme.
De stêd is haadstêd fan it departemint Isère en ferfollet in sintrumfunksje foar de Frânske Alpen. Der binne ferskate midsiuwske gebouwen, wêrûnder de katedraal.
| Grenoble | ||
 | ||
| Grenoble | ||
| Polityk | ||
| Lân | Frankryk | |
| Regio | Rhône-Alpes | |
| Departemint | Isère | |
| Sifers | ||
| Ynwennertal | 160.215 (31 desimber 2012) | |
| Oerflak | 18,1 km² | |
| Befolkingsticht. | 8.837,0 ynw/km² | |
| Oar | ||
| Postkoade | 38000 | |
.svg)
Grenoble is ien fan de gruttere sintra foar heger ûnderwiis yn Frankryk (mear as 50.000 studinten), fral op natuerwittenskiplik mêd. Yn de stêd befine harren it ESRF (European Synchrotron Radiation Facility), it ILL (Institut Laue-Langevin) en ferskate laboratoariums fan it CNRS (Centre National de la Recherche Scientifique).
Yn 1968 wie Grenoble gaststêd fan de Olympyske Winterspullen.
Yn de gemeente leit spoarweistasjon Grenoble.
Geografy
Grenoble is omjûn mei bergen; yn it noarden it Chartreuser berchtme, yn it westen it plato fan Vercors en yn it easten it massyf fan Belledonne. Dêrom is Grenoble faak opnommen yn de Omgong fan Frankryk en wurdt de stêd ek wol 'haadstêd fan de Alpen' neamd.
De stêd is oarspronklik boud op in horizontaal stik fan de delling fan rivier Isère op in hichte fan likernôch 214 meter. Berchsporten jouwe in wichtige toeristyske ympuls oan de stêd. Der binne sawat tweintich sky-pistes om de stêd hinne, de piste dy't it tichtstby leit, is op sawat 15 minuten riden.
Fan âlds binne Grenoble en omkriten in gebiet fan mynbou en swiere yndustry. Omdat de stêd yn in delling leit, binne der problemen mei de luchtkwaliteit, net allinne troch it autoferkear, mar ek troch ôffalferbaarningsovens en gemyske- en papieryndustry. Yn de omjouwing wurde soms nukleêre testen dien. In ôffalferwurkjende fabryk yn Meylan, ien fan Grenoble's foarstêden, wurdt op dit stuit fertocht fan it weilekken fan dioksine.
La Bastille
De Bastille, in histoaryske searje fortifikaasjes, is situearre op in berchklif foar it sintrum. It fort is goed te sjen fan in soad plakken út de stêd wei. De Bastille is ien fan Grenoble's bekendste attraksjes en jout in goed sicht op de stêd ûnder en om de omlizzend bergen.
De Bastille is boud yn de Midsiuwen, en yn lettere iuwen fierder útwreide, ynklusyf in heal-ûndergrûnsk defensy projekt. It is oanmurken as it wichtichste foarbyld fan de 19e iuwske fortifikaasjes in hiel Frankryk, en it hie in wichtige strategyske funksje yn de ferdigening fan de Alpen.
Berne
- Stendhal (1783-1842), romantysk skriuwer
- Henri Fantin-Latour (1836-1904), keunstskilder
- Émile Lavirotte (1870-1944), autobouwer en ûndernimmer
- Emmanuel Mounier (1905-1950), katolyk filosoof en foarman fan it personalisme
- Serge Kampf (13 oktober 1934), ûndernimmer
- Michel Fugain (1942), sjonger
- Juliet Berto (1947-1990), aktrise, toaniel- en filmregisseur
- Maxence Flachez (5 augustus 1972), fuotballer
- Rafik Djebbour (8 maart 1984), Algerijnsk fuotballer
Galery
Keppeling om utens
 | Ofbylden dy't by dit ûnderwerp hearre, binne te finen yn de kategory Grenoble fan Wiki Commons. |
This article uses material from the Wikipedia Frysk article Grenoble, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.