Felice Gimondi

Dêrneist wûn er ien kear de Omgong fan Frankryk en ien kear de Omgong fan Spanje. Dermei is Gimondy ien fan de hurdfytsers dy't alle trije de grutte omgongen wûn hat.

Felice Gimondi
sporter
Felice Gimondi (1966)
persoanlike bysûnderheden
echte namme	Felice Gimondi
nasjonaliteit	Italjaansk
bertedatum	29 septimber 1942
berteplak	Sedrina
stjerdatum	16 augustus 2019
stjerplak	Giardini-Naxos
lingte	181 sm
gewicht	71 kg
sportive ynformaasje
sport	Hurdfytsen
ûnderdiel	Dykhurdfytsen
debút	1964
karriêre-ein	1979
wichtige prestaasjes
Omgong fan Frankryk (1965), Omgong fan Itaalje (1967, 1969, 1976) (3x), Omgong fan Spanje (1968)

De yn Sedrina by Bergamo berne Gimondi wie as amateur al in fertsjinstlik hurdfytser, mei ûnder mear winst yn de Omgong fan de Takomst. Hy bruts folslein troch yn syn debútjier by de profs yn 1965 doe't er as debutant de Omgong fan Frankryk op syn namme skreau. Twa jier letter wûn Gimondi de Omgong fan Itaalje, eat dat er yn 1969 en 1976 werhelje koe. Yn 1968 wûn er ek de Omgong fan Spanje, wêrmei 't er ien fan de hurdfytsers is dy 't alle trije de Grutte Omgongen wûn hawwe. De oaren binne Jacques Anquetil, Eddy Merckx, Bernard Hinault, Alberto Contador, Vincenzo Nibali en Chris Froome. Gimondi einige alle fiif kearen dat er meidie oan de Omgong fan Frankryk yn de top tsien. Syn leechste klassearring yn de Toer wie in sânde plak en hy wûn yn totaal sân etappes yn de Omgong fan Frankryk.

Gimondi ried net allinnich sterk yn de grutte omgongen, mar hy wie ek in spesjalist yn iendeistige wedstriden. Sa wûn er twa kear de Omgong fan Lombardije (1966 en 1973). Parys-Roubaix (1966) en Milaan-San Remo (1974) skreau er ien kear op syn namme. Yn 1973 waard Gimondi wrâldkampioen.

Felice Gimondi ferstoar yn 2019 yn de âldens fan 76 jier oan in hertoanfal by it swimmen yn see foar de eastkust fan Sisylje.

Dielnimming oan de Omgong fan Frankryk

• 1965 -   1e; winner 3e, 18e en de 22ste etappe.
• 1967 - 7e; winner 10e en de 20ste etappe.
• 1969 - 4e; winner 12e etappe
• 1972 - 2e;
• 1975 - 3e; winner 10e etappe.

Dielnimming oan de Omgong fan Spanje

• 1968 -   1e; winner 17e etappe

Dielnimming oan de Omgong fan Itaalje

• 1965 - 3e;
• 1966 - 5e; winner 20ste etappe
• 1967 -  
• 1968 - 3e; winner 16e etappe
• 1969 -   1e;
• 1970 - 2e;
• 1971 - 7e; winner 7e en de 18e etappe.
• 1972 - 8e;
• 1973 - 2e; winner 16e etappe.
• 1974 - 3e;
• 1975 - 3e;
• 1976 -   winner 21ste etappe.
• 1977 - 15e;
• 1978 - 11e;

• 1965–1972 - Salvarani
• 1973–1979 - Bianchi