Eric Hoekstra

Hy publisearre sawol poëzij as proaza. Hy is benammen bekend fanwege syn oersettingen nei it Frysk fan it wurk fan Friedrich Nietzsche. Hy krige dêrfoar yn 2002 de Dr. Obe Postmapriis.

Hoekstra is fierder bekend as literatuerkritikus en kollumnist. Under eigen namme en ûnder de pseudonimen 'Dr. Gleon', 'Dr. Tsjoen' en 'Justus' skreaun hy bydragen yn it Frysk Deiblêd en yn de tydskriften Kistwurk, Farsk, De Moanne, Hjir en Erosmos.

Eric Hoekstra brocht in lange rige taalkundige publikaasjes op syn namme. Sa publisearre er oer de Fryske ynfloeden yn Hollânske dialekten, dialektology, syntaksis, taalpolityk en taalferoaring. Eric Hoekstra is foarsitter fan de Stifting Elektroanyske Letteren Fryslân.

Yn febrewaris 2007 húsmanne Eric Hoekstra, lykas Diogenes 2500 jier dêrfoar, in wike lang yn in houten tonne.

Eric Hoekstra bekearde him ta it kristendom nei in mystike ûnderfining. Hy makke út 'e fjouwer evangeeljes in spannende en moderne roman: Roman fan in hielmaster dy't ek yn it Nederlânsk ferskynde mei de titel Roman van een geneesheer

Wurk

2000: De floeibere bân (dichtbondel)
2002: Yn 'e fal fan jûn (poetysk wurk, skreaun mei Eeltsje Hettinga ûnder it pseudonym Hu Thung Song)
2007: Kening fan de junks (roman)
2007: Libje goed: op nei de tonne (roman)
2013: Lofts! Rjochts! Lofts! Rjochts! (roman)
2017: The Frisians: A Xenophobe's Guide (non-fiksje)
2018: Roman fan in hielmaster/ Roman van een geneesheer. Utjouwerij Elikser

Oerset wurk

2000: Dat Sei Zarathustra: In Boek foar Alleman en Gjinien (oersetting fan Also Sprach Zarathustra, fan Friedrich Nietzsche)
2003: Oarekant Goed en Kwea: Foarspul fan in Filosofy fan 'e Takomst (oersetting fan Jenseits von Gut und Böse, fan Friedrich Nietzsche)
2012: Bhagavad Gita: It liet fan God - It Boek fan de Yoga (oersetting fan 'e Bhagavad Gita, in ûnderdiel fan it gruttte epyske gedicht de Mahabharata, skreaun troch de wize Vyāsadeva)

Gallery

Keppelings om utens

Boarnen, noaten en referinsjes

Boarnen, noaten en/as referinsjes:

This article uses material from the Wikipedia Frysk article Eric Hoekstra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.