In ûnbemanne fleanmasine of drone (Ingelsk: unmanned aerial vehicle of UAV) is in fleanmasine dy't gjin piloat oan board hat.
Se wurde ûnder oaren brûkt troch loftmachten, polysjes, geheime tsjinsten of foar sivile of wittenskiplike doelen. Der wurdt oars al sûnt de iere 20e iuw eksperimintearre mei ûnbemanne fleanmasines.
Ut in grûnstasjon wei kin in ûnbemanne fleanmasine bestjoerd wurde, der binne ek mobile stasjons of ôfstânsbetsjinnings dêr't de drone mei bestjoerd wurde kin. Sawol sivile as militêre drones kinne brûkt wurde foar observaasje troch der kamera's ûnder te hingjen. Sommige militêre drones kinne ek wapensystemen drage. It formaat fan in drone kin aardich wat ferskille. Der binne drones fan in pear sintimeter en der binne drones mei sa'n 60 meter spanwiidte (Boeing Condor).
Yn it Frysk wurdt gauris it Ingelske wurdsje drone as synonym foar ûnbemanne fleanmasine brûkt. Dat wurd hie yn it Ingelsk oarspronklik de betsjutting fan brieder of broedbij (manljusbij).
This article uses material from the Wikipedia Frysk article Unbemanne fleanmasine, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.