De Rottefalle
De Rottefalle is in doarp yn de gemeente Smellingerlân, noardeastlik fan Drachten.
| De Rottefalle | ||
 | ||
| Doarpstsjerke fan De Rottefalle | ||
| Emblemen | ||
  | ||
| Polityk | ||
| Lân |  Nederlân | |
| Provinsje |  Fryslân | |
| Gemeente |  Smellingerlân | |
| Sifers | ||
| Ynwennertal | 1.410 (1 jannewaris 2023) | |
| Oerflak | 6,43 km², wêrfan: - lân: 5,74 km² - wetter: 0,69 km² | |
| Befolkingsticht. | 245 ynw./km² | |
| Oar | ||
| Tiidsône | UTC +1 | |
| Simmertiid | UTC +2 | |
| Koördinaten | 53° 08' N 6° 06' E | |
 | ||
| Lokaasje De Rottefalle (grien) yn 'e gemeente Smellingerlân | ||
| Offisjele webside | ||
| Side fan De Rottefalle | ||
| Kaart | ||
  | ||
De Rottefalle hat 1.410 (1 jannewaris 2023) ynwenners.
Skiednis
De Rottefalle is yn de 17e iuw ûntstien as feankoloanje. De Rottefalle hat syn namme te danken oan in Jan Rateller, ek wol Jan Rot neamd. Hy liet ferskiedene fearten grave, wêrûnde ’t Vallata. Skippers neamden it “de Rot syn fal”.
De plaknamme waard foar it earst yn in keapkontrakt fan 1618 neamd. Doe stiene der^neffens in kaart út 1617 al wat hûzen. De bewenners libben der fral fan it stekken fan turf en oan de Lits en de Brouwersgrêft waarden mear wentes boud. Yn 1730 waard ek in standermûne boud. Utsûnderik wie dat de mûne in reiten kape hie. Plannen om de mûne op in oar plak te restaurearjen waarden net útfierd en yn 1921 waaide de mûne om. Sa kaam der in ein oan de lêste noch besteande Fryske standermûne.
Mei't De Rottefalle yn 1724 in eigen tsjerke krige waard de buorskip in echt doarp.
Oant 1943 lei de Rottefalle yn trije gemeenten: Smellingerlân, Tytsjerksteradiel en Achtkarspelen. Yn 1953 waard it útroppen ta 'foarbylddoarp' (mei Kerkhoven yn Noard-Brabân), neidat de Rykslânboufoarljochtingstsjinst mei demonstraasje proeffjildsjes, foarbyldperselen en foarbyldbedriuwen de agraryske bedriuwsfiering besocht hie te ferbetterjen. Yn 1956 waarden ek ferbetteringsplannen foar de omkriten fan it doarp opset. As foarbylddoarp foar de ruilferkaveling wurdt Rottevalle neamd yn de Kanon fan Fryslân.
Op it begraafplak stiet ien fan de goed sechstich klokkestuollen yn Fryslân.
Mienskip
Yn 2017 waard it nije MFA It Werflân iepene. Doarpskrantsje It Slûske ferskynt sânris yn 't jier. De feestkommisje organisearret om de trije jier in skoalle- en doarpsfeest. It Hagehiem is it sportkompleks fan 'e Rottefalle.
Tsjerken
De Wikipedy hat ek in side Doarpstsjerke (De Rottefalle). (of eardere herfoarme tsjerke)- De Wikipedy hat ek in side Protestanske tsjerke fan De Rottefalle. (of eardere grifformearde tsjerke)
- De Wikipedy hat ek in side Minnistetsjerke (De Rottefalle).
Ferienings
It doarp hat in soad buertferienings.
|
(De list is yn 2023 bywurke. Sjoch foar de meast aktuele ynformaasje oer ferienings op de hiemside fan it doarp)
Skoalle
Sûnt augustus 2016 binne de kristlike en iepenbiere basisskoalle 'De Finne' en 'Yn 'e Mande' as gearwurkingsskoalle tegearre gien. De skoalle is ûnderbrocht yn it yn 2017 iepene multyfunksjonele gebou 'It Werflân', dêr't ek it doarpshûs, it pjutteboartersplak en de jongereinsoas yn sitte.
Befolkingsferrin
| Jier | 1954 | 1959 | 1964 | 1969 | 1974 | 2004 | 2012 | 2012 | 2021 |
|---|---|---|---|---|---|---|---|---|---|
| Ynwenners | 952 | 939 | 986 | 997 | 1.031 | 1.320 | 1.380 | 1.362 | 1.405 |
Berne
- Marten Jans van Houten (1801-1879), evangelist en mystikus
- Hindrik Kloosterman (1900-1968), wiskundige
- Joop Boomsma (1945–2018), skriuwer
- Betty Jansma (1990), sportfrou
Ynfrastruktuer
Strjitten
- Sjoch: Strjitten op De Rottefalle
Iepenbier ferfier
Buslinen fan ferfierder Qbuzz:
- Line 11: Akkrum - Aldeboarn - Nij Beets - Boarnburgum - De Wylgen - Drachten - Nijtap - De Rottefalle - De Houtigehage - Boelensloane -Surhústerfean - Surhuzum - Stynsgea - Bûtenpost
- Line 13: Stienwyk - Eesfean - Nijensleek - Frederiksoard - Willemsoard - Noardwâlde - Sânhuzen - Aldeberkeap - Aldhoarne - Jobbegea Skuorregea - Lippenhuzen - De Gerdyk - Terwispel - Drachten - Nijtap - De Rottefalle - Surhústerfean - De Harkema - Droegeham - Koatstertille - Jistrum - Noardburgum - Quatrebras - Hurdegaryp - Tytsjerk - Ljouwert
Ofbylden
-
Klokkestoel -
Grifformearde tsjerke -
Herfoarme pastorij -
Feanskipfear troch Gerrit Terpstra
Sjoch ek
| Boarnen, noaten en/as referinsjes: | ||
|
| | Smellingerlân | |
|---|---|---|
| Doarpen en útbuorrens: Aldegea • Boarnburgum • Drachten • Drachtster Kompenije • De Feanhoop • Goaiïngahuzen • De Houtigehage • Koartehimmen • Nyegea • De Pein • De Rottefalle • Smelle Ie • De Tike • De Wylgen | ||
| Buorskippen: Bûtenstfallaat • Eibertsgeasten • De Folgeren • Galhoeke • De Geasten • De Kletten • De Koai • Luchtenfjild • Middelbuorren • Noarderein • Nijtap • Opperbuorren • Puntpeal • Sânbuorren • Sytebuorren • It Súd • Suderheide • Utein • Wierren | ||
| wizigje | ||
This article uses material from the Wikipedia Frysk article De Rottefalle, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.