West-Flaanderen De Haan
De Haan (Frânsk: Le Coq) is in plak en gemeente oan 'e kust yn 'e Belgyske provinsje West-Flaanderen.
| De Haan (West-Flaanderen) | ||
 | ||
| Emblemen | ||
  | ||
| Polityk | ||
| Lân | .svg){kind=small} Belgje | |
| gewest |  Flaanderen | |
| provinsje |  West-Flaanderen | |
| Sifers | ||
| Ynwennertal | 12.783 (2022) | |
| Oerflak | 46,14 km² | |
| Befolkingsticht. | 277 ynw./km² | |
| Oar | ||
| Postkoade | 8420-8421 | |
| Tiidsône | UTC +1 | |
| Simmertiid | UTC +2 | |
| Koördinaten | 51° 16' N 3° 2' E | |
 | ||
| Lokaasje De Haan yn it arrondissemint Oostende yn 'e provinsje West-Flaanderen | ||
| Offisjele webside | ||
| dehaan.be | ||
De gemeente hat goed 12.000 ynwenners (wêrfan't sa'n 5.200 yn it baaiplak De Haan-Sintrum, sa'n 3.800 yn it baaiplak Wenduine en de rest yn Klemskerke, Vosseslag, Harendijke en Vlissegem). Toerisme is in wichtige boarne fan ynkomsten yn 'e gemeente.
Patroanhillige fan De Haan is Sint-Monika. It wiene benammen de Augustinen en Augustinessen dy't de ferearing fan dy Berberske hillige en mem fan Augustinus fan Hippo oantrunen.
Skiednis
De dielgemeente Klemskerke is in âld polderdoarp, dat foar it earst yn it jier 1003 as Clemeskirca neamd waard. It tsjintwurdige plak De Haan ûnstie pas yn 1889, doe't kening Leopold I syn tastimming joech om yn in diel fan de dunen te bouwen. Hy liet dêr earder al yn 1886 in tramline oanlizze, dy't de lokaasje berikber makke.
Al yn 1888 waard tichteby de tramhalte it earste hotel iepene. Oars as yn oare baaiplakken oan de Belgyske kust waard heechbou fan mear as fiif ferdjippings ferbean yn De Haan-Sintrum. Ek moasten alle huzen frijsteand wêze mei in tún der om hinne en mocht de bou allinne yn Anglo-Normandyske styl plakfine. Dat lêste is tsjintwurdich net mear fan tapassing.
Yn it jier 1977 waarden de earder selsstannige gemeenten Wenduine, Vlissegem end Klemskerke by de gemeente De Haan weryndield.
_-_De_Haan_21-4-2018_15-20-26.jpg)
(Xu Zhen)
Yndieling gemeente
De Haan bestiet út de dielgemeenten Klemskerke, Vlissegem en Wenduine. Wenduine leit ek oan de kust, wylst de âlde polderdoarpen Klemskerke en Vlissegem in pear kilometer it binnenlân ynlizze. It noch jonge De Haan (yn 'e regel as De Haan-Sintrum oantsjut) foarmet foar in part ûnderdiel fan de dielgemeente Klemskerke en foar in oar part ûnderdiel fan de dielgemeente Vlissegem. Yn de dielgemeente Klemskerke leit fierder noch it buorskip Vosseslag (d'Heye), wêrfan't de bebouwing op dy fan de gemeente Bredene oanslút. It lytse Harendijke leit yn it easten fan de dielgemeente Wenduine en grinzget oan de buorgemeente Blankenberge.
| Nû. | Namme | Oerflak (km²) | Ynwennertal (2022) | Kaart |
|---|---|---|---|---|
| I (IV) (V) | Klemskerke - Klemskerke (doarp) - De Haan-Sintrum* - Vosseslag | 20,66 | 6.554 |  |
| II (IV) | Vlissegem - Vlissegem (doarp) - De Haan-Sintrum* | 16,66 | 2.135 | |
| III (VI) | Wenduine - Wenduine - Harendijke | 4,85 | 4.094 |
Befolkingsferrin gemeente
Alle histoaryske ynformaasje giet oer de hjoeddeiske gemeente, lykas dy ûntstie nei de weryndieling fan 1 jannewaris 1977.
- Boarne:NIS, 1831 oant en mei 1981 binne folkstellingen; 1990 en letter binne de ynwennertallen op 1 jannewaris
| Boarnen, noaten en/as referinsjes: | ||
| Dizze side is foar in part in oersetting fan de Nederlânsktalige Wikipedyside; sjoch foar de bewurkingsskiednis nl:De Haan; wat skiednis oanbelanget sjoch de:De Haan
|
| | |
|---|---|
| Alveringem - Anzegem - Ardooie - Avelgem - Beernem - Blankenberge - Bredene - Brugge (haadstêd) - Damme - De Haan - De Panne - Deerlijk - Dentergem - Diksmuide - Gistel - Harelbeke - Heuvelland - Hooglede - Houthulst - Ichtegem - Iper - Ingelmunster - Izegem - Jabbeke - Knokke-Heist - Koekelare - Koksijde - Kortemark - Kortrijk - Kuurne - Langemark-Poelkapelle - Ledegem - Lendelede - Lichtervelde - Lo-Reninge - Menen - Mesen - Meulebeke - Middelkerke - Moorslede - Nieuwpoort - Oostende - Oostkamp - Oostrozebeke - Oudenburg - Pittem - Poperinge - Roeselare - Ruiselede - Spiere-Helkijn - Staden - Tielt - Torhout - Veurne - Vleteren - Waregem - Wervik - Wevelgem - Wielsbeke - Wingene - Zedelgem - Zonnebeke - Zuienkerke - Zwevegem | |
This article uses material from the Wikipedia Frysk article De Haan (West-Flaanderen), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.