Damaskus
Damaskus (Arabysk: دمشق, Dimasjq of (Dimasjq) al-sham) is de haadstêd fan Syrje.
It is ien fan de âldste stêden op 'e wrâld en miskien wol de âldste. Der wennen om-ende-by 1,5 miljoen minsken (2005). Yn de folksmûle hiet de stêd Sjam.
| Damaskus | ||
 | ||
| Polityk | ||
| Lân | .svg){kind=small} Syrje | |
| Gûvernemint | Damaskus | |
| Boargemaster | Bishr Al Sabban (gûverneur) | |
| Sifers | ||
| Ynwennertal | 1.834.741 (2010) | |
| Oerflak | 77 km² | |
| Befolkingsticht. | 23.827,8 km² | |
| Stêdekloft | 2.831.738 (2010) | |
| Hichte | 680 m | |
| Oar | ||
| Stifting | net bekend | |
| Tiidsône | EET (UTC+2) | |
| Simmertiid | EEST (UTC+3) | |
| Koördinaten | ||
| Offisjele webside | ||
| Gûvernemint Damaskus | ||
De stêd leit yn in tige grutte en fruchtbere oaze en hat har bestien te tankjen oan de rivier Barada, dy't de oaze fan wetter foarsjocht.
Skiednis
De earste archeologyske fynsten dien yn Damaskus datearren fan om-ende-by 2500 f.Kr. De earste fermelding fan Damaskus yn skriften datearret fan 1500 f.Kr.
Damaskus wie haadstêd fan in krêftich ryk fan Arameejers yn de 9e iuw f.Kr. De Assyrjers ûnder Sargon II feroveren de stêd yn 732 f.Kr. Letter gong de stêd oer nei it Nij-Babylonyske Rijk en noch wer letter nei it ryk fan de Achaemeniden yn Perzje. Yn 332 f.Kr. ferovere it leger fan Aleksander de Grutte de stêd en sûnt dy tiid bleau de stêd sân tûzen jier ûnder ynfloed fan Hellenistyske en Romeinske kulturen.
Yn 635 waard de stêd troch de Arabieren oermastere. Under de dynastie fan de Omajjaden waard Damaskus haadstêd fan it Arabyske Ryk fan 661 oant 750. Dat tiidrek jildt as de bloeitiid fan de stêd, dêr't ferskate grutte moskeeën yn boud waarden, dêr't de Omajjadenmoskee fierwei de wichtichste fan is. Yn 750 waarden de Omajjaden ferslein troch de Abbasiden en ferlear Damaskus har funksje as haadsted fan it ryk oan Bagdad.
Yn 1260 feroveren de Mammelukken de stêd.
Yn 1516 waard de stêd troch de Osmanen ferovere en makke diel út fan it Osmaanske Ryk, dêr't de stêd oant en mei de Earste Wrâldkriich by bliuwe soe. Yn de dy kriich naam generaal Allenby de stêd yn mei it Britske leger en troch stipe fan Arabyske troepen. Nei de Twadde Wrâldkriich waard Syrje ûnôfhinklik en Damaskus de haadstêd fan dat lân.
Sûnt it begjin fan de boargeroarloch yn 2011 binne ek ferskate wiken fan Damaskus troch gefjochtshannelingen rekke.
Nijsgjirrichheden
Nijsgjirrichheden binne ûnder mear:
- de grêftombe fan Saladin
- it hûs fan Ananias - no in tsjerke
- de Grutte moskee fan Damaskus (ek wol Ommajjadenmoskee neamd)
- it grutte oantal fonteinen yn de stêd
Keppeling om utens
This article uses material from the Wikipedia Frysk article Damaskus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.