Coolio
Artis Leon Ivey Jr.
Hy waard by it grutte publyk bekend mei de hit Gangsta's Paradise, ôfkomstig fan de soundtrack fan de film Dangerous Minds. Coolio hat acht studio-albums útbrocht.
| Coolio | ||
 sjonger en/of muzikant | ||
 | ||
| Coolio | ||
| persoanlike bysûnderheden | ||
| echte namme | Artis Leon Ivey Jr. | |
| nasjonaliteit |  Amerikaansk | |
| berne | 1 augustus 1963 | |
| berteplak | Monessen | |
| stoarn | 28 septimber 2022 | |
| stjerplak | Los Angeles | |
| wurkpaad | ||
| sjenre | Hiphop | |
| sjongtaal | Ingelsk | |
| grutste hit(s) | Gangsta's Paradise | |
| jierren aktyf | 1987-2022 | |
Karriêre
Nei syn middelbere skoalle begûn Coolio mei syn karriêre yn de muzyk, mar hy moast hast direkt tydlik ophâlde fanwegen in ferslaving oan kokaïne. Nei 't er fan syn ferslaving ôf wie, wurke Coolio in skoft as brânwachtman, om yn 1994 werom te kommen yn de muzykbrânsj mei syn debútalbum It Takes a Thief.
Syn grutste sukses helle er yn 1995 mei Gangsta's Paradise, in rap skreaun op de melody fan Pastime Paradise fan Stevie Wonder. Troch de film Dangerous Minds kaam it nûmer wrâldwiid op nûmer 1 yn de hitlisten. Fan it nûmer waard troch Weird Al Yankovic in parody makke ûnder de titel Amish Paradise.
It album Gangsta's Paradise, kaam út yn 1996. It tredde album fan Coolio, My Soul út 1998 ferkocht minder goed as ferwachte. Coolio rjochte in eigen platelabel op en brocht yn 2002 in nij album út El Cool Magnifico.
Begjin 2004 die Coolio yn Dútslân mei oan de Comeback Show, wêrmei't er in nij platekontrakt probearre te krijen.
Priveelibben
Coolio waard berne yn Monessen, Pennsylvania, de Feriene Steaten, mar groeide op yn Compton, Kalifornje. Hy kaam geregeld mei justysje yn oanrekking, ûnder oare yn Dútslân en de Feriene Steaten, en hat jierren problemen hân mei drugs. Coolio had seis bern en wie fan 1996 oan't en mei 2000 boaske mei Josefa Salinas. Coolio ferstoar op 28 septimber 2022 yn 'e âldens fan 59 jier.
Diskografy
Studio-albums
| Album | Utbrocht op | Label | Singles |
|---|---|---|---|
| It Takes a Thief | 19 july 1994 | Warner Bros. | County Line, I Remember, Fantastic Voyage, Mama I'm in Love Wit' a Gangsta |
| Gangsta's Paradise | 7 novimber 1995 | Gangsta's Paradise, Too Hot, 1, 2, 3, 4 (Sumpin' New) | |
| My Soul | 26 augustus 1997 | C U When U Get There, Ooh La La | |
| Coolio.com | 18 april 2001 | JVC Victor | |
| El Cool Magnifico | 15 oktober 2002 | Riviera | |
| The Return of the Gangsta | 16 oktober 2006 | Hardwax | |
| Steal Hear | 28 oktober 2008 | Super Cool | Gangsta Walk |
| From the Bottom 2 the Top | 2 july 2009 | Subside |
Kompilaasje-albums
| Album | Utbrocht op |
|---|---|
| Very Best | 18 april 2001 |
| Fantastic Voyage: The Greatest Hits | 14 septimber 2001 |
| Boarnen, noaten en/as referinsjes: |
| |
This article uses material from the Wikipedia Frysk article Coolio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.