Chantilly Lace

Hja sette yn 1991 útein mei in wurkpaad yn 'e Amerikaanske pornoyndustry en spile yn frijwat films. Yn 1998 beëinige Lace har karriêre as pornoaktrise. Se kaam yn 2008 om oan in oerdoasis drugs.

Chantilly Lace
persoan yn de seksyndustry
persoanlike bysûnderheden
echte namme	Tammy Shearer
nasjonaliteit	Amerikaansk
berne	19 juny 1968
berteplak	Pittsburgh (Pennsylvania)
stoarn	13 july 2008
stjerplak	yn Pennsylvania
etnisiteit	Angelsaksysk Amerikaansk
wurkpaad
wurksum as	neakenmodel, pornoaktrise
jierren aktyf	1991 – 1998
offisjele webside
gjint

Chantilly Lace waard yn 1968 berne yn 'e stêd Pittsburgh, yn 'e Amerikaanske steat Pennsylvania. Hja makke yn 1991 har debút yn in pornografyske film. Har skûlnamme betsjut eins Chantillykant, de kantene stof fan hege kwaliteit dy't mids njoggentjinde iuw produsearre waard yn it Frânske stedsje Chantilly.

Chantilly Lace spile neffens de Internet Adult Film Database (IAFD) yn rom fyftich pornofilms, û.m. foar sokke foaroansteande labels as Wicked Pictures en Leisure Time Entertainment, mar benammen foar de lytse studio Pleasure Productions. Lace beheinde har faak ta lesbyske pornografy, hoewol't se ek wol yn heteroseksuële pornosênes spile, en dêrby ferskate kearen oan anale seks die. Njonken har aktearwurk posearre se ek geregeldwei foar fotoreportaazjes yn Amerikaanske neakenblêden.

Yn 1998 loek Chantilly Lace har út 'e Amerikaanske pornoyndustry werom. Se kaam yn 2008 yn Pennsylvania om it libben troch de ynname fan in oerdoasis drugs, wierskynlik by fersin. Chantilly Lace waard fjirtich jier âld.

Chantilly Lace wie blank, mei brune eagen en brún hier. Neffens har offisjele opjefte wie se 1.60 m lang, mei kupmaat 38DD, dêr't se in boarstfergruttingsoperaasje foar ûndergien hie.

• (in) Biografy en filmografy fan Chantilly Lace yn 'e Internet Movie Database (IMDb)
• (in) Biografyske gegevens en filmografy fan Chantilly Lace yn 'e Internet Adult Film Database (IAFD)
• (in) Biografyske gegevens fan Chantilly Lace op FreeOnes