Sc Cambuur Ljouwert

De klup waard oprjochte op 19 juny 1964 as de ferfanger fan VV Leeuwarden dy’t nei de amateurs werom kearde. De klup spilet yn it Cambuur stadion dêr't goed 10.000 minsken yn kinne. Cambuur is trije kear nei de Earedifyzje promovearre en spile yn totaal fjouwer jier op it heechste nivo. Nei it kampioenskip fan de Jupiler League yn 2013 kaam Cambuur op 'e nij even út yn de Earedifyzje. Nei twa jier degradearre de klup lykwols wer. Yn 2022 spilet de klup fannijs yn de Earedifyzje.

Sportclub Cambuur Leeuwarden
It Cambuur Stadion
Oprjochte	19 juny 1964
Plak	Ljouwert
Stadion	Cambuur Stadion
Kapasiteit	10.000
Foarsitter	fakant
Trener	Henk de Jong
Kompetysje	Earedifyzje
Thúskleuren Utkleuren

Sietse Westra wie de inisjatyfnimmer fan de oprjochting fan SC Cambuur, sa't de klup doedestiids noch hjitte. Westra wie fiif jier, tusken 1964 en 1969, direkteur fan de klup. De namme fan Cambuur waard yn 1988 feroare fan SC Cambuur yn Cambuur Ljouwert.

Sportive skiednis

Cambuur koe it earste jier yn it proffuotbal fuort promovearje nei de Earste Difyzje. Dêr soe Cambuur mear as 25 jier yn fuotbalje. De Ljouwerters hawwe oant 2008 fjouwer jier, yn twa perioaden, yn de Earedifyzje spile. De earste kear wie doe't Cambuur as earste yn de Earste Difyzje einige. Dêrnei spile Cambuur yn it seizoen 1992/1993 en 1993/1994 op it heechste fuotbalnivo fan Nederlân. De twadde kear dat Cambuur dêryn spylje soe, wie yn it seizoen 1998/1999 en 1999/2000. It slagge Cambuur yn 1998 te promovearjen troch de neikompetysje te winnen en sa promoasje ôf te twingen.

Yn 2000 degradearre Cambuur en moast it werom yn de Earste Difyzje. SC Cambuur hat dêrnei wer 13 jier yn de Earste Difyzje spile. Fia direkte promoasje yn it seizoen 2012/2013, troch it beheljen fan it kampioenskip spilet Cambuur sûnt it seizoen 2013/2014 op 'e nij op it heechste nivo.

It aventoer yn de Earedifyzje duorre krekt as de oare kearen twa seizoenen, diskear ûnder lieding fan trainer Henk de Jong. Yn 2016 degradearren de Ljouwerters wer en sûnt dy tiid spilet Cambuur wer yn de Earste Difyzje. De Jong naam yn it degradaasjejier ôfskied fan de klup, mar kaam yn 2019 werom, mei Sandor van der Heide as syn assistint.

Yn it seizoen 2019/20 kaam Cambuur út op it earste plak, dochs waard dat seizoen troch de KNVB net jildich ferklearre omreden de koroanakrisis. It folgjende seizoen fan 2020/21 waard de kampioenstitel fannijs helle mei 15 punten foarsprong op de twadde ploech.

Namme

Cambuur is neamd nei de wyk dêr't de klup syn stadion hat, de Cambuursterhoek, ek wol it Cambuurkertier. De namme fan de wyk komt fan de aadlike famylje Fan Cammingha, waans stins op hast itselde plak stie fan it Cambuur stadion fan no.

Skaaimerk

It skaaimerk fan SC Cambuur Ljouwert is eins in nijmoadrige ferzje fan it famyljeskyld fan de Van Cammingha's, dat sa in ferwizing is nei de skiednis fan sawol de namme as de lokaasje.

It wapen hat in giel wapenskyld mei in lizzend hart, dy't de foarpoaten útstrekt. Tegearre mei trije swarte kamen mei allegearre twa rigen swarte tosken: Twa kamen fan boppen en ien kaam ûnder.

Klaaiïng

De klaaiïng fan Cambuur bestiet foar de thúswedstriden út in giel shirt, in blauwe broek en giele sokken. Der wurdt ek wol mei wite sokken spile, as de tsjinstanner ek al mei giele sokken fuotballet. It tenu foar de útwedstriden bestiet út in wyt shirt, blauwe broek en wite sokken.

De kar foar de kleuren komt fan de stedskleuren fan Ljouwert, giel en blau. De Ljouwerter flagge bestiet út fjouwer horizontale banen, blau: giel, blau en giel.

Earste difyzje
Winner - 2013.
Neikompetysje
Winner - 1998.
Earste difyzje
Winner - 1992.
Twadde difyzje
Winner - 1957 (as Ljouwert), 1965.

A-seleksje

Nr.	Namme	Nat.	Foarige klup	Kontrakt oant
Keepers
1	João Virgínia		Everton FC	hier
12	Robbin Ruiter		Willem II	2023
31	Brett Minnema		Jong Cambuur	2023
Ferdigeners
3	Calvin Mac-Intosche		Fortuna Sittard	2023
4	Léon Bergsma		FC Aarau	2025
5	Doke Schmidt		SC It Hearrenfean	2023
15	Marco Tol		FC Volendam	2024
16	Alex Bangura		Feyenoord	2023
18	David Sambissa		FC Twinte	2023
22	Jhondly van der Meer		Jong Cambuur	2024
23	Maxim Gullit		AZ	2023
24	Sai van Wermeskerken		PEC Swol	2023
27	Sekou Sylla		TOP Oss	2023
33	Floris Smand		Jong Cambuur	2024
Middenfjilders
2	Jasper ter Heide		Jong Ajax	2023
6	Mees Hoedemakers		AZ	2023
8	Jamie Jacobs		AZ	2023
10	Mitchel Paulissen		Roda JC	amateurkontrakt
14	Michael Breij		FC Grins	2024
20	Robin Maulun		Trélissac FC	2023
20	Daniël van Kaam		FC Grins	2025
Oanfallers
7	Felix Mambimbi		BSC Young Boys	hier
9	Tom Boere		SV Meppen	2023
11	Silvester van der Water		Orlando City SC	2023
28	Roberts Uldriķis (oanfierder)		FC Sion	2023
30	Remco Balk		FC Utert	hier
39	Milan Smit		Jong Cambuur	2024

Lêste update: 20 juny 2022

Stêf

Technyske stêf

Namme	Nasjonaliteit	Funksje
Henk de Jong		Haadcoach
Pascal Bosschaart		Meitrainer
Peter van der Vlag		Keepertrainer
Martijn Barto		Spitsetrainer

Medyske stêf

Namme	Nasjonaliteit	Funksje
Nicky Boonstra		Fysyk-trainer
Harvey Bischop		Fysioterapeut
Kevin Koster		Fysioterapeut
Dirk Steensma		Fersoarger
Antje Tardy		Fersoarchster

Begeliedende stêf

Namme	Nasjonaliteit	Funksje
Peter Drijver		Teammanager
Foeke Komans		Teammanager
Koen Draaisma		Materiaalman

Lêste update: 20 juny 2022

Top 15 skoarders yn de skiednis fan SC Cambuur

Posysje	Namme	Doelpunten
1	Jan Bruin	73
2	Sandor van der Heide	66
3	Robert Mühren	64
4	Dirk Roelfsema	63
5	Jos Peltzer	61
	Koko Hoekstra	61
7	Martijn Barto	55
8	Willem van der Ark	53
9	Gerrie de Jonge	52
10	Mark de Vries	47
11	Johan Zuidema	44
12	Henk de Groot	40
13	Jaap de Blaauw	39
14	Erik Bakker	39
15	Harry van der Laan	36

• Offisjele webside