Biedwurd

In protte lannen, stêden, universiteiten en oare organisaasjes hawwe in biedwurd, faak keppele oan in wapen, en ek famyljes mei in wapen hawwe faak in biedwurd. It biedwurd is faak yn in taal dy't foar de brûkers it biedwurd mear klam jout. Dat kin bygelyks Latynsk wêze, of yn it Germaansk taalgebied ek wol it Frânsk.

Guon boeken krije fan de skriuwer ek in biedwurd mei, om oan te jaan hoe't de skriuwer sels it boek sjocht. Dit binne dan almeast sitaten, faak fan klasssyke skriuwers.

Ek by guon aktiviteiten en aksjes wurdt in biedwurd opsteld. Dêr't biedwurden fan organisaasjes faak tige symboalysk binne, binne motto's foar aksjes tige direkt.

Yn ferskate alba amicorum steane foarbylden fan Fryske biedwurden:

• Naet to goed, naet to tsjoed: net te goed, net te kwea; (Skerne Wibe)
• Deugd allinne mackeet wiere adel (Lyckle Eables)
• Vita mortalium vigilia: it libben fan stjerlingen is in nachtwake; (Wigle fan Aytta)
• Sinecerum pectus apertum: in oprjocht gemoed is iepenhertich; (Joachim Hoppers)
• Crucis ambio finem: ik stribje nei de ein fan it krús; (Marten Hamkes)
• It is mei sizzen net te dwaan: sizzen allinnich is net genôch; (Adie Lambertsz)
• Animum rege: bestjoer it gemoed; (Igram fan Achelen)
• Wils Got, mit Ehren: (Willem Loadewyk)
• Constant (Ernst Kasimir fan Nassau-Dietz)
• Sljocht en rjocht: ienfâldich en rjochtút; (Gysbert Japicx)
• Vita circense curriculum: It libben is in wedrin; (Menelaus Winsemius)
• Sine labore est: Neat sûnder muoite; (Freark fan Vervou)
• amor meus crucifixus: Myn leafde is krusige; (Anna Maria fan Schurman)
• Cedant arma togae: Dat de wapens wike meie foar de toga (Lieuwe van Aitzema)
• Lex et ratio: wet rede wolwillendheid; (Ulrik Huber)
• Virtute ac patientia: troch deugd en geduld; (Wybrand fan Itsma)
• Nobilitas sola est atque unica virtus: Inkel en allinnich deugd is adel; (Sjuck Gerold Juckema fan Burmania)
• Sensim scandendo: Troch stadichoan op te klimmen; (Simon Stijl)
• Age quod agis bene age: Age, watsto dochst, doch dat goed; (Age Solkes Miedema)

• Seelân : Luctor et emergo (Ik wrakselje en kom boppe)
• Nederlân : Je Maintiendrai (Ik sil hanthavenje)
• Jeropeeske Uny : In varietate concordia (Ienheid yn ferskaat)