Benelúks
Benelúks (Frânsk: Bénélux) is sûnt 1944 in ekonoamyske uny yn West-Jeropa wêryn't trije buorlannen, Belgje, Nederlân, en Lúksemboarch sitte.
De namme is foarme troch de earste letters fan de lannen te bonneljen. De uny hat ta doel; iepen grinzen, mar mei de komst fan 'e Jeropeeske Uny is dat net mear fan tapassing.
De Benelúks is 74.102 km² grut, mei 27,2 miljoen ynwenners. Fan 2010 ôf, mei de yngong fan it nije ferdrach (Benelux#Benelux na 2010: Benelux Unie), sil de Benelúks net mear allinnich op ekonomysk gebiet optrede mar ek by duorseme ûntjouwing, justysje en binnenlânske saken. De offisjele benamming sil dan yn Benelúks Uny feroarje.
Taal
Yn de Benelúks binne 5 offisjele talen, it Frysk, Dútsk, Frânsk, Lúksemboarchsk en Nederlânsk. Foar de Benelúksynstituten binne allinne it Frânsk en Nederlânsk in offisjele taal. Fan de 27,2 miljoen minsken praat 83 prosint Nederlânsk (22,5 miljoen), en binne der 4,7 miljoen Frânsk-taligen.
Keppeling om utens
- Parlemint fan 'e Benelúks - Offisjele hiemside
This article uses material from the Wikipedia Frysk article Benelúks, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.