Bedwelming
Bedwelming of yntoksikaasje is in tastân wêryn't in minske of bist syn ferstanlik ynsjoch of sels folslein it bewustwêzen ferliest troch tadwaan fan in útwindich middel.
Dêrby kin it gean om eat dat dronken, iten, snúfd, azeme, yn 'e bloedbaan ynjektearre of op in oare wize tatsjinne wurdt, itsij troch de persoan yn kwestje sels, itsij troch in oar. Ien fan 'e meast foarkommende foarmen fan bedwelming is dronkenskip, oftewol bedwelming mei alkohol. In oar foarbyld is high of stoned te wêzen troch ynname fan drugs. Ek narkoaze, dat tapast wurdt tsjin 'e pine by yngripende medyske behannelings, is in foarm fan bedwelming.
Bedwelming wurdt, alteast yn it gefal fan minsken, faak sels tapast, troch oermjittige ynname fan alkohol of it gebrûk fan drugs. Narkoaze wurdt mei goedkarring fan 'e persoan sels op him of har tapast troch de medyske stân. Bedwelming wurdt lykwols ek wol sûnder tastimming fan 'e persoan yn kwestje op him of har tapast troch in oar, bygelyks foar in troch bedwelming mooglik makke ferkrêfting, wêrby't it slachtoffer bewusteleas is of alteast syn of har frije wil en/of ferstanlik ynsjoch folslein ûntnommen wurdt. Soks wurdt bygelyks dien troch temûke tatsjinning fan it beruchte date rape-middel Rohypnol.
| Boarnen, noaten en/as referinsjes: |
|
This article uses material from the Wikipedia Frysk article Bedwelming, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.