Archeon
It Archeon is in earder temapark en fan 2015 ôf iepenloftmuseum yn it suden fan Alfen oan de Ryn dat him rjochtet op de Nederlânske skiednis.
It park is yn trije haaddielen ferdield: de prehistoarje, de Romeinske tiid en de Midsiuwen. Yn dy dielen steane gebouwen dy't ofwol letterlik nei in archeologysk model ofwol yn de styl fan it bepaalde tiidrek boud binne. Wurknimmers yn it park (archeotolken neamd), klaaid neffens de moade fan it betreffende tiidrek, spylje typyske wurksumheden foar harren tiidrek nei, lykas weve, lân bewurkje en potten bakke en ljochtsje de besikers dêroer foar.
Ek wurde der ferskate tema-eveneminten as toaniel- en gladiatoaregefjochten organisearre mei Libbene Skiednis. Foar skoallen is yn edukatyf programma. Ek kinne der it hiele jier troch feesten jûn wurde.
It Archeon waard yn 1994 iepene. It lei doe op in tige grut terrein en hie in ambisjeuze opset. Doe't it troch in oantal redens yn 1996 fallyt drige te gean, waard in diel fan de grûn en it haadgebou (dat yn 1992 op de Wrâldtentoanstelling as Nederlânsk paviljoen tsjinne hie) ferkocht. It park waard nettsjinsteande dat yn 1996 dochs fallyt ferklearre, mar wist in trochstart te meitsjen mei in nije direksje. Troch it ferkeapjen fan de grûn oan de gemeente Alphen aan den Rijn leit it Archeon no middenyn in de wenwyk Burggooi.
It Archeon biedt ek edukative programma's oan. Foar basisskoallelearlingen hat it museum in pakket ûntwikkele dat oanslút by in pear yn it skiednisûnderwiis in soad brûkte lesmetoaden. Yn de moannen dat it park ticht is, komme archeotolken nei skoallen.
Foarbylden samling
| Namme | Ofbyld | Lokaasje | Perioade | Ekstra ynformaasje |
|---|---|---|---|---|
| Kano fan Pesse | Pesse | 8040 - 7510 foar Kristus | âldste beamstamkano fan de wrâld (rekonstruksjie) | |
| Skippen fan Zwammerdam |  | Zwammerdam | 50 f. Kr - 250 nei Kr. | Frachtskippen, kano's (orizjinelen en rekonstruksjes) |
| Skilden en helmen Romeinske legers |  | Europa | 50 f. Kr - 450 nei Kr. | argeologyske rekonstruksjes |
| Filla fan Rijswijk |  | Rijswijk | 3e iuw nei Kristus | ta Romeinske filla ferboude pleats Archeologiehuis Zuid-Holland |
| Wytsingeboat Gokstad faering |  | Oslo | sa'n 880 nei Kr. | argeologyske rekonstruksje |
| Minderbruorrekleaster |  | Dordrecht | 1350 | Kleastergong, koken, ytseal, sliepseal (rekonstruearre) |
| Minderbruorren mûntsen | .jpg) | 1350 | Archeotolken, sjongende muontsen, muzyk en klean wittenskiplik rekonstruearre | |
| Midsiuwsk keapmanshûs mei eksploitant |  | Midsiuwen | Winkelpân, stoffen, boargerklaaing (archeologyske rekonstruksjes) |
Keppeling om utens
 | Ofbylden dy't by dit ûnderwerp hearre, binne te finen yn de kategory Archeon fan Wiki Commons. |
| Boarnen, noaten en/as referinsjes: |
| |
This article uses material from the Wikipedia Frysk article Archeon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.