Alendorp
Alendorp is in buorskip yn de himrik fan Vleuten yn de Nederlânske gemeente Utert.
De buorskip falt, mank mei Vleuten, ûnder de Utertske wyk Vleuten-De Meern.
De buorskip leit oan de 2 km lange Alendorperweg dy't dwers troch it Máximapark rint. Foar de anneksaasje fan Vleuten en De Meern troch de gemeente Utert wie dy dyk de ferbiningswei tusken de twa doarpen. De dyk is hjoed-de-dei gjin dyk foar trochgeand ferkear mear. Sûnt de anneksaasje kaam it gebiet yn it stêdlik gebiet te lizzen yn it ramt fan it nijbouprojekt Leidsche Rijn. It Máximapark skiedt de twa wiken Leidsche Rijn en Vleuten-De Meern.
Yn 1327 waard Alendorp foar it earst neamd as in pleats. Hindrik fan Alendorp en syn frou Elisabeth droegen de helte fan harren nôttsiende ôf oan de proasdy Aldmúnster yn Utert. De Alendorperweg waard op âlde kaarten de Alendorper Dijk neamd. De dyk rint fan súdeast nei noardwestlike rjochting. Rjochts dêrfan leit de âlde streamrêch fan de Alde Ryn en oan de oare kant de komgrûn fan polder Het Weer. Oant de tweintichste iuw wie de túnbou in wichtich middel fan bestean yn it plak.
Fan 1894 oant 1896 waard in lytse sealtsjerke boud foar de grifformearde gemeente fan Vleuten en De Meern. Yn 1952 kaam it gebouke oan de grifformearde tsjerken frijmakke en yn 2017 waard er oan in partikulier ferkocht.
Tichteby it tsjerke krúst de Alendorperwetering de Alendorperweg dy't winliken in ôfspjalting fan de Alde Ryn is.
| Boarnen, noaten en/as referinsjes: |
|
 | Ofbylden dy't by dit ûnderwerp hearre, binne te finen yn de kategory Alendorp fan Wiki Commons. |
 | Wiken en doarpen yn de gemeente Utert | |
|---|---|---|
| Wiken: Binnenstêd • East (De Uithof) • Leidsche Rijn • West • Overvecht • Súd (Hoograven • Lunetten • Tolsteeg en Rotsoord) • Noardeast • Súdwest (Kanaleneiland) • Noardwest (Zuilen) • Vleuten-De Meern (Rijnenburg) | ||
| Doarpen: Haarzuilens • De Meern • Vleuten | ||
| Buorskippen: Alendorp • Oudenrijn | ||
| wizigje | ||
This article uses material from the Wikipedia Frysk article Alendorp, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.