Aartsbiskop
In aartsbiskop is yn de hiërargy fan de Roomsk-Katolike Tsjerke, Anglikaanske Tsjerke en Lutherske Tsjerke, en yn oare tsjerken mei apostoalyske suksessy, in biskop dy't oan it haad stiet fan in aartsbisdom.
Dat aartsbisdom is faak it wichtichste bisdom yn dy tsjerkeprovinsje, foarme troch in tal fan bisdommen. De aartsbiskop is dan tagelyk metropolyt fan dizze tsjerkeprovinsje.
Dy aartsbiskop kin lykwols ek biskop wêze fan in aartsbisdom dat gjin suffragane bisdommen hat. Dizze aartsbiskop is gjin metropolyt. In foarbyld hjirfan is de aartsbiskop fan Lucca yn Itaalje.
Ien kin ek ta aartsbiskop beneamd wurde as earetitel bygelyks as er by de pauslike hofhâlding wurket (de Curie) of yn diplomatike tsjinst is fan de Paus. Hy is dan titulêr biskop fan in bisdom dat net mear bestiet.
Keppeling om utens
- Wikiwurdboek-side - aartsbiskop
This article uses material from the Wikipedia Frysk article Aartsbiskop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.