Anty-Revolúsjonêre Partij

'Anty-revolúsjonêr' ferwiist nei it fersmiten fan de begjinsels fan de Frânske Revolúsje.

Yn 1878 waard it ta partij organisearre troch Abraham Kuyper en wie it de earste politike partij fan Nederlân. As begjinselprogram waard "Ons Program" skreaun. Yn Fryslân bestie grutte sympaty foar de antyrevolúsjonêre begjinsels by de rjochtsinnige protestanten. De earste AR-kiesferiening waard yn 1852 oprjochte yn Ljouwert. Troch de Doleânsje ûntstie ferwidering. Foar de AR-partij oer kaam de CHU te stean, oprjochte troch herfoarme predikanten. Sûnttiids wiene de AR en de grifformearden hast identyk.

By de ferkiezings fan 1956 helle de AR yn Fryslân 22% fan de stimmen (yn Nederlân hast 10%). Yn de Steaten wiene doe 12 fan de 50 sitten troch antyrevolúsjonêren beset. De AR-Partij wie it sterkst yn de Dongeradielen, Dokkum, Dantumadiel en Kollumerlân.

It Provinsjaal Bestjoer bestie út 185 leden (út elke kiesferiening ien ôffurdige). It Deistich Bestjoer waard foarme troch 10 leden. In AR Propaganda Kommisje soarge foar lektuer, films, kursussen en sprekbeurten (22 leden). De froulju hiene in AR Froulju Aksje (allinnich yn Fryslân) en de jongerein wie yn de (lanlike) ARJOS organisearre. It oantal leden yn Fryslân wie 12.938 (1956). De partij hie in provinsjaal buro mei in besoldige siktaris.

Kristen Demokratysk Appèl

Yn 1967 wie de ARP tegearre mei de Kristlik-Histoaryske Uny (CHU) en de Katolike Folkspartij (KVP) yn petear oer hoe't 'Kristlike polityk' der útsjen moast. De fraksjelieders Biesheuvel, Mellema en Schmelzer kamen op telefyzje om it motto samen uit, samen thuis te ferdúdlikjen. Under lieding fan Piet Steenkamp rjochten de trije partijen yn 1973 it Kristen Demokratysk Appèl (CDA) op. Yn 1980 waarden ARP, CHU en KVP opheft. De ARP gie fierder mei in katolike partij wylst men yn de jierren 50 noch in lichte wjersin foar katoliken oer hie.

Ledetal

**Leden Anty-Revolúsjonêre Partij**
Jier	Oantal leden	Jier	Oantal leden
23 febrewaris 1946	86.500	31 desimber 1967	90.904
1950	102.737	31 desimber 1968	87.378
1955	98.028	31 desimber 1969	83.127
31 desimber 1956	95.038	31 desimber 1970	80.695
31 desimber 1957	97.186	31 desimber 1971	74.118
31 desimber 1958	99.340	1 jannewaris 1973	69.742
31 desimber 1959	99.613	1 jannewaris 1974	65.116
31 desimber 1960	97.980	1 jannewaris 1975	61.761
31 desimber 1961	98.544	1 jannewaris 1976	59.495
31 desimber 1962	100.847	1 jannewaris 1977	57.661
31 desimber 1963	98.016	1 jannewaris 1978	57.642
31 desimber 1964	95.796	1 jannewaris 1979	56.405
31 desimber 1965	94.164	1 jannewaris 1980	54.500
31 desimber 1966	93.398

Resultaten by parlemintsferkiezings

1918: 13,4 %

1922: 13,7 %

1925: 12,2 %

1929: 11,6 %

1933: 13,4 %

1937: 16,4 %

1946: 12,9 %

1948: 13,2 %

1952: 11,3 %

1956: 9,9 %

1959: 9,4 %

1963: 8,7 %

1967: 9,9 %

1971: 8,6 %

1972: 8,8 %

Antyrevolúsjonêre ministerpresidinten

1888–1891: Æneas Baron Mackay de Jongere
1901–1905: Abraham Kuyper
1908–1913: Theo Heemskerk
1925–1926: Hendrikus Colijn (1e Regearperioade)
1933–1939: Hendrikus Colijn (2e Regearperioade)
1940–1945: Pieter Sjoerds Gerbrandy (Om utens yn London)
1966–1967: Jelle Zijlstra
1971–1973: Barend Biesheuvel

Partijfoarsitters

Ofbyld	persoan	perioade
	Dr. Abraham Kuyper	1879 - april 1905
	Dr. Herman Bavinck	april 1905 - 17 oktober 1907
	Dr. Abraham Kuyper	17 oktober 1907 - 31 maart 1920
	Dr. Hendrikus Colijn	14 april 1920 - 26 april 1933
	Dr. Jan Schouten	6 juni 1933 - 6 septimber 1939
	Dr. Hendrikus Colijn	6 septimber 1939 - 1 april 1941
	Dr. Jan Schouten	maaie 1945 - 22 juny 1955
	Mr. Anton Roosjen	22 maaie 1955 - 23 april 1956
	Dr. Wiert Berguis	23 april 1956 - 15 juny 1968
	Mr. Anton Roosjen	10 febrewaris 1968 - 15 juny 1968
	Dr. Mr. Antoon Veerman	15 juny 1968 - 11 maaie 1972
	Drs. Jan de Koning	9 febrewaris 1974 - 13 desimber 1975
	Hans de Boer	13 desimber 1975 - 10 oktober 1980

Sjoch ek

Fryske Bûn

Keppeling om utens

De Anti-Revolutionaire Partij op parlement.com

Boarnen, noaten en referinsjes

Boarnen, noaten en/as referinsjes:

Brouwer, J. H. e.o. - Encyclopedie van Friesland, 1958. Antirevolutionaire Partij
H. Colijn - Saevis tranquillus in undis (Amsterdam, 1940)
Jaarboekje van de AR Partij in Friesland

This article uses material from the Wikipedia Frysk article Anty-Revolúsjonêre Partij, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.