6 febrewaris - Frankryk fiert in wet yn dy't it begryp 'sjampanje' as wêzende in mûssearjende wynsoarte út 'e Sjampanje, sekuer omskriuwt en beskermet.
20 april - Yn Portegal wurdt de skieding tusken tsjerke en steat ynfierd.
20 april - De Agadirkrisis of Twadde Marokkaanske Krisis brekt út as Frankryk sabeare foar de beskerming fan Jeropeeskeboargerstroepen nei it binnenlân fan it Sultanaat Marokko stjoert. Eins is it de Frânsen te dwaan om Marokko yn harren macht te krijen. Dútslân hat dêr neat op tsjin, mar easket wol territoriale kompinsaasje foar himsels. As Spanje en it Feriene Keninkryk harren ek mei de saak bemuoie, rint it hast út op in grutte Jeropeeske oarloch.
25 maaie - Nei súksessen fan 'e rebellen yn 'e Meksikaanske Boargeroarloch stapt diktator Porfirio Diaz op, dy't mei in tuskenskoft fan fjouwer jier al sûnt 1877 oan 'e macht is.
1 july - De Dútske kanonnearboat de Panther rint de troch de Frânsen behearske haven fan Agadir, yn Marokko, binnen. Hoewol't der gjin skot lost wurdt, is it drigemint dúdlik. De Agadirkrisis nimt dêrtroch soarchwekjende foarmen oan.
15 augustus - Nei in staking fan tsien moannen geane de mynwurkers yn Wales wer oan it wurk.
10 augustus - Under druk fan 'e aartsbiskop fan Canterbury en kening George V fan it Feriene Keninkryk stimt it Britske Hegerhûs yn mei in wet dy't it fetorjocht fan it Hegerhûs opheft.
7 oktober - Yn Nederlân wurdt troch de oanname fan 'e wizige Arbeidswet berne-arbeid foar bern ûnder de tolve jier ferbean, útsein yn 'e agraryske sektor.
10 oktober - Yn Sina begjint de Sineeske Revolúsje of Xinhairevolúsje, wêrby't Pu Yi, de lêste keizer fan 'e Qing-dynasty, ôfset wurdt en de Republyk Sina útroppen wurdt.
4 novimber - De Agadirkrisis wurdt freedsum oplost as Frankryk en Dútslân in oerienkomst slute. Dútslân akseptearret dêrby dat it Sultanaat Marokko in Frânsk protektoraat wurdt ûnder de namme Frânsk-Marokko, yn ruil foar Nij-Kameroen, in diel fan 'e Frânske Kongo dat no by Dútsk-Kameroen komt te hearren. Dy koloanje kriget dêrtroch tagong ta de rivier de Kongo. Spanje wurdt tefredensteld mei in brede stripe lân yn it noarden fan Marokko, dy't de koloanje Spaansk-Marokko komt te foarmjen.
Ofbylden dy't by dit ûnderwerp hearre, binne te finen yn de kategory 1911 fan Wiki Commons.
This article uses material from the Wikipedia Frysk article 1911, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.