Örebro

Örebro heart ta de gemeente Örebro. De stêd leit yn in foar Sweedske begripen tichtbefolke gebiet, yn Midden-Sweden. It is de op 5 nei grutste stêd fan it lân. Örebro is ien fan de stêden yn Sweden dy't te meitsjen hat mei in flugge befolkingsgroei oer de perioade 2005-2010. Der wurdt ferwachte dat as dat sa trochgiet it plak grutter wurde sil as de stêd Västerås en sa it op 4 nei grutste plak wurde sil.

Örebro
Kastiel Örebro
Polityk
Lân	Sweden
Lânskip	Örebro län
Gemeente	Örebro
Sifers
Ynwennertal	107.038 (2010)
Oerflak	42,96 km²
Befolkingsticht.	2491,57 / km²
Oar
Stifting	1404 stedsrjochten
Tiidsône	CET (UTC+1)
Koördinaten	59° 16' N, 15° 12' E
Offisjele webside
http://www.orebro.se

De delsetting ûntstie oan it rivierke Svartån dy't yn de Hjälmarenmar útkomt. It waard yn de Skandinavyske midsiuwen in hannelsplak fan belang dat yn de 13e iuw al yn skriftlike boarnen neamd waard.

Yn de twadde helte fan de 19e iuw makke de skuonyndustry dêr opgong en makke de stêd ek syn earste groeispurt troch. It grutte tal skuonfabriken besoargen de stêd syn bynamme 'skuonstêd'. Healwei de 20e iuw waarden tsjinstferliening en ûnderwiis hieltyd wichtiger. De Universiteit fan Örebro is ien fan Swedens nijste, dat wol sizze de besteand hegeskoalle (högskola) waard yn 1999 opwurdearre ta universiteit.

Örebro is ferneamd om syn kastiel yn it sintrum op in eilantsje yn de Svartån en ek om de wettertoer 'Svampen' (= de poddestoel).

• 
  It stedhûs fan Örebro
• 
  De wettertoer Swampen

• Jens Byggmark, alpineskyer
• Ronnie Peterson, Formule 1-koereur
• Johan Röjler, reedrider
• Karl Manne Georg Siegbahn, natuerkundige en Nobelpriiswinner
• Millencolin, punkrockband
• Daniel fan Sweden, de man fan kroanprinsesse Victoria fan Sweden