La ore e je une unitât di misure dal timp, no aparten al SI, ma il so ûs al è acetât.
In astronomie e je ancje une unitât di misure dai angui.
Une ore e je une unitât di timp che corispuint a 3.600 seconts, o 60 minûts.
Une zornade e je componude di 24 oris.
Te antichitât si considerave come ore la diesime-seconde part dal timp che passave jenfri la albe e il tramont. Cun chest calcul, vie par la istât lis oris son plui lungjis che vie par l'unvier. I romans e i grêcs a usavin cheste definizion. Intun secont moment, ancje la gnot e fo dividude in dodis parts.
Plui tart la ore e fo definide come la vincjesime-cuarte part dal dì solâr aparent, dade jenfri un misdì e il seguint. Cun cheste definizion lis oris a cambiin une vore mancul, ancje se la durade dal dì solâr aparent e varie vie par l'an. Cuant che un orloi al dopre chest gjenar di calcul, al à di jessi regolât pôcs voltis vie par il mês. A seconde se al cjate come origjin il tramont o la albe si al cjape il non di Sisteme orari Italic o Sisteme orari Babilonês rispetivementri.
This article uses material from the Wikipedia Furlan article Ore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.