Se tu âs cualchi domande che tu volaressis meti chi dentri fasile inte pagjine de discussion.

Par informazions e sugjeriments su la grafie tu puedis viodi Vichipedie:Ortografie

In rêt si cjatin dai imprescj che a puedin judâ a scrivi, par esempli:

• il coretôr ortografic in grafie standard
• il dizionari ortografic in grafie standard
• il grant dizionari bilengâl in grafie standard
• il vocabolari talian-furlan Nazzi (nol è in grafie standard)
• Dizionari multilengâl - Furlan - Talian - Sloven - Todesc - Inglês - Spagnûl – Francês (nol è in grafie standard)
• il coretôr ortografic alternatîf dal SSTeF che si pues instalâ sul proprit ordenadôr, al funzione par windows, par linux e par il mac (in grafie standard)

Se tu dopris Windows tu varessis di rivâ a scrivi lis vocâls cu la nape cuntune cumbinazion di tascj. Tignint fracât il tast ALT (cence molâlu) fâs chei numars culì cun il tastierin numeric su la diestre de tastiere e dopo mole il ALT

â = 0226
ê = 0234
î = 0238
ô = 0244
û = 0251
Se no tu âs pôre di mateâ cul computer vioditi che pagjine ca vie cuntune soluzion plui facile (jo o dopri che ca cuant che o dopri il Windows). Mandi e fami savê se no tu cumbinis --Tocaibon 9 di Nov 2006 a lis 21:04 (UTC)

Tu puedis viodi Jutori:Vuide in curt

O varès di domandâ cemût che si fâs a indreçâ une vôs a une altre che no corispuint. Mi spieghi miôr: Se jo intal test o scrîf "grêc" e o varès di rimandâle a le vôs "lenghe greghe" cemût si fasial?

Se tu âs voie di viodi scrit grêc che al ledi ae vôs lenghe greghe tu puedis fa cussì:

[[lenghe greghe|grêc]]

Par meti la categorie baste che tu metedis fra dople parentesi cuadre [[ ]]

Categorie:non_de_categorie

Par esempli la categorie Austrie si scrîf (metude fra dople parentesi cuadre [[ ]] ):

Categorie:Austrie

Se la categorie no esist a ven creade in automatic.

Cemût impuartâ une figure e metile intun articul

Par meti une imagjine che tu âs sul to computer tu âs di impuartâle inte Vichipedie cul comant [Cjame su un file] che tu cjatis su la çampe intai imprescj.

Une volte che tu la âs tu la puedis doprâ cul comant:

[[Figure:non_de_figure.jpg]]

o se tu la vuelis plui piçule

[[Figure:non_de_figure.jpg|300px]]

Tu cambiis il numar 300 par fale plui grande o plui piçule

Cualis figuris si puedino doprâ?

L'impuartant al è no doprâ figuris protetis dal copyright. In pratiche no si puedin cjapâ su fotos da un libri o da internet e doprâlis!

Si lu pues fâ dome se l'autôr al à lassât scrit che a si puedin doprâ liberementri. Tal dubi al è miôr no doprâ une figure; tant par solit e je dome un alc di plui, magari biel ma in plui.

Se si trate di tôs fotografiis o figuris tu lis puedis doprâ cence fastidis, almancul che no sedin di une opare artistiche. In chest câs l'artist al à di jessi muart di almancul 70 agns.

Si puedin doprâ fotografiis storichis o di vite cuotidiane cjapadis di un libri o di un gjornâl se a àn almancul 20 agns.

Dut câs cualchi informazion plui precise tu la cjatis su la Wikipedia taliane viôt par esempli:

• guide sul copyright par talian
• domandis e rispuestis par talian

Dulà cjatâ figuris

Dulà si cjatino figuris o fotos di podê doprâ? In linie di massime si puedin doprâ figuris di altris Wikipedias. Si puedin cjatâ des figuris che si puedin doprâ liberementri su Wiki commons e si puedin doprâ diretementri. Se invezit si à voie di doprâ des figuris che a son, par esempli inte Wiki taliane ma no su Commons si à di impuartâ la imagjine inte Viki furlane cun Cjame su un file e dopo si pues doprâ.

Cemût si fasie a meti une galarie fotografiche? Ti met come esempli il codiç che tu cjatis inte pagjine Cjargne

Image:Monte Coglians visto dal monte Zoncolan.jpg|Il Colians
Image:Peralba.jpg|La Peralbe
Image:Seregnò.jpg|La Crete di Seregnò
Image:Mariane.jpg|La Mariane