Cu la peraule clavicembal si indiche une famee di struments a cuarde di origjin taliane a tastiere.
Il plui grant e il plui cognossût al è il clavicembal progjenitôr dal pianoforte, ma ancje i struments plui piçui come il virgjinâl e la spinete a puedin jessi catalogâts te famee. Il sunôr al ven prodot piçant la cuarde, cence batile come che al sucêt invezit tai struments come il clavicuart o il pianoforte. Chest gjenar di struments al è nassût cuant che une tastiere e je stade adatade a un salteri. La peraule stesse, che si cjate par la prime volte intun document dal 1397, e ven de Lenghe latine clavis (clâf, intindût l'argagn che al doprave il moviment dal tast par fâ sunâ lis cuardis) e cymbalum, peraule che e indicave tal periodi de Etât di Mieç i struments musicâi a cuardis tiradis su une casse poligonâl e cence mani, come il salteri.
Chest periodi storic e je le epoche di aur dal clavicembal: fabricants e musiciscj a puartin chest strument e il sô repertori al pont plui alt de sô utilizazion. Il clavicembal al devente un strument prestigjôs di puartâ intai palaçs e intes cjasis de nobiltât. Une vore presint te vive epoche musicâl dal timp, i fîs de nobiltât a imparin a sunâlu sot la direzion dai miôr professôrs e musiciscj de epoche.
Atôr pe Europe, a jerin cinc "scuelis" di fabricazion di chest strument:
1. Italie (centris principâi:Vignesie , Milan , Florence , Rome , Napoli.
2. Le regjon belghe des Flandris (Te citât di Anverse jerin i "Ruckers", famee di costrutôrs).
3. France.
4. Ream Unît.
5. Gjermanie. Tes citâts di Hamburg , Berlin e Dresde.
Fûr di chestis regjons, la produzion dal clavicembal e je stade une vore scjarse. Cualchi esemplâr al è stât prodot te regjon iberiche (Spagne e Portugal), ma i struments fabricâts in chestis regjons jerin pôcs e une vore influençâts dal stîl talian.
This article uses material from the Wikipedia Furlan article Clavicembal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.