Il bit al è la abreviazion de espression inglês binary digit, o sei cifare binarie, une informazion che e po cjapâ dome doi valôrs: 0 e 1.
Par esempli, il numar 10010111 al è lunc 8 bits. Lis cifris binariis a son unitâts di base par memorizâ informazions e te teorie de informazion.
Il bit al è ancje la unitât di misure de cuantitât di informazions. Il simbul al è bit, o b.
In chest contest, il bit al rapresente la unitât di definizion di un stât logjic. Al è definît ancje sicu unitât elementâr de informazion che po jessi tratade di un ordenadôr. La rapresentazion logjiche dal bit e po contignî dome i valôrs {0, 1}. Ai fins de programazion al è ûs comun intropâ secuencis di bit in entitâts plui vastis, che puedin assumi valôrs in intervai plui amplis di chel permetût di un bit sol. Chescj trops a contegnin par solit un numar di stringhis binariis pari a une potence binarie; il plui cognossût al è il byte, che al corispuint a 8 bit, e che al costituîs la unitât di misure plui doprade tal cjamp informatic.
In chest contest, il bit al rapresente la unitât di misure de cuantitât di informazion.
Cheste idee di bit e je stade introdusude de teorie de informazion par mieç di Claude Shannon tal 1948, e e je usade tal cjamp de compression di dâts.
Un bit memorizât al è come un interutôr; al po assumi il valôr "impiât" (1) o "distudât" (0). Plui in gjenerâl, il bit al è la cuantitât di informazion necessarie a distingui i doi stât l'un dal altri.
This article uses material from the Wikipedia Furlan article Bit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.