L'Antartic al è il continent plui meridionâl de Tiere, logât ator dal Pôl sud.
Si cjate intal emisferi sud, pe grant part a sud dal circul antartic, e al è circondât dal Ocean meridionâl. Cun 14.4 million km², al è il cuint continent plui larc come superficie, daspò di Asie, Afriche, Americhe dal Nord e Americhe dal Sud; l'Europe e l'Australie a son invezit plui piçulis. Il 98% dal Antartic al è cuviert de glace, cuntun spessôr di almancul 1,6 km.
Come mediis, l'Antartic al è il continent plui frêt, plui sut e cun plui aiar, e e à la elevazion medie plui alte di ducj i continents. Par vie de scjarsis precipitazions, fûr che su la cueste, l'Antartic al è in pratiche il plui grant desert dal mont. No son residents permanents, e chest continent nol à mai vût une popolazion indigjene. A rivin a vivi dome ciertis plantis che si son usadis e animâls, come pinguins, fochis, musclis, lichens e tancj gjenars di alghis.
Il non Antartic al ven dal grêc antarktikos (ανταρκτικός), che al vûl dî "opost al Artic." Ancje se i mîts e lis speculazions suntune Terra Australis ("Tiere meridionâl") a forin fatis za inte antichitât, la prime volte che il continent al fo viodût al è considerât inte spedizion russe di Mikhail Lazarev e Fabian Gottlieb von Bellingshausen, intal 1820. Purpûr, il continent al restà dismenteât pal rest dal XIX secul, par vie dal ambient ostîl, mancjance di risorsis e isolament.
Il tratât antartic al fo firmât intal 1959 di dodis paîs; al dì di vuê, al è stât firmât di cuarante cinc paîs. Chest tratât al proibìs ativitât militârs e gjavis di minerâi, ma sosten la ricercje sientifiche e protêç la ecozone dal continent. Al moment a son puartâts indevant esperiments di plui di 4000 sienziâts di diviers paîs e cun diviers obietîfs e interès.
Continents de Tiere | |||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Americhis | Eurafrasie | Eurasie | Oceanie | ||||||||||||||||||||
Afriche | Antartic | Asie | Americhe dal Nord | Americhe dal Sud | Europe | ||||||||||||||||||
Vielis supercontinents: Gondwane · Laurasie · Pangjee · Rodinie |
This article uses material from the Wikipedia Furlan article Antartic, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.