En filosofia, lo mot cultura dèsigne cen qu'est difèrent de la natura.
En sociologia, coment en ètologia, la cultura est dèfenia de façon més ètrêta coment « cen qu'est comon a na benda d'endividus » et coment « cen que lo sôde », cen vôt a dére cen qu'est aprês, transmetu, fêt et enventâ. D'ense, por una organisacion entèrnacionâla coment l'UNESCO : « Dens son sens lo més lârjo, la cultura pôt houé étre considèrâye coment l'ensemblo des trèts distinctifs, spirituèls, matèrièls, entèlèctuèls et afèctifs, que distingont na sociètât ou na benda sociala. El encllôt, outre los ârts, les lètres et les sciences, los môdos de via, les louès, los sistèmos de valors, les tradicions et les creyances ». Ceti « resèrvouèr comon » èvolue dens lo temps per et dens les fôrmes des èchanjos. Il sè constitue en de multiples maniéres sèparâs d'étre, de pensar, d'agir et de comunicar en sociètât.
Per abus de lengâjo, on utilise sovent lo mot « cultura » por dèsignér quâsi èxcllusivament la semonce de pratiques et de sèrvicios culturèls dens les sociètâts modèrnes, et en particuliér dens lo cârro des ârts et des lètres.
This article uses material from the Wikipedia Arpetan article Cultura, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.