Sámal Petur Í Grund

26. juli 1958 í Syðrugøtu) er ein politikari fyri Sjálvstýrisflokkin. Til løgtingsvalið í 2011 og 2015 stillaði hann upp á listanum hjá Framsókn, men í 2019 leitaði hann sær aftur til røturnar.

Hann hevur útbúgving sum elektronikk-mekanikari frá 1980 og sum fiskiskipari 1994. Hann starvaðist sum mekanikari á verksmiðjutrolara 1979-85, sum trúboðari 1986-91, og sum sjómaður 1991-93. Hann var bestýrari á Runavíkar Sjómansheimi 1998 -1999. Síðan 2004 hevur hann starvast sum skipari umborð á strandfaraskipinum Sam M/F, sum siglur millum Kalsoynna og Klaksvík.

Sámal Petur í Grund var landsstýrismaður við ábyrgd fyri samskiftis- og mentanarmálum, ferðavinnu og sjóvinnu 1994-1997, og í almanna- og heilsumálum 2001-2002. Hann sat sum løgtingslimur 1998-2002, undantikin tíðarskeiðið sum landsstýrismaður. Til løgtingsvalið 2011 stillaði Sámal Petur upp fyri nýggja flokkin Framsókn. Hann gjørdist nummar fimm á listanum við 111 atkvøðum. Á løgtingsvalinum 2015 stillaði hann aftur upp fyri Framsókn, og gjørdist nummar 11 á listanum við 67 atkvøðum. Á løgtingsvalinum 2019 stillaði hann upp á listanum hjá Sjálvstýri. Hann gjørdist nummar 4 á listanum við 91 atkvøðum.

• 1994 -1997 Landsstýrismaður í Mentanar- og samskiftismálum (Sjálvstýrisflokkurin)
• 1998 – 2001 Løgtingsmaður (Sjálvstýrisflokkurin)
• 2001 – 2002 Landsstýrismaður í Almanna- og heilsumálum (Sjálvstýrisflokkurin).

• Løgtingið 150 – Hátíðarrit, bind 2 (2002), s. 280. (PDF Archived 2006-09-27 at the Wayback Machine)

• Framsokn.fo^{[deyð leinkja]}