Markus Pauli Joensen (føddur 1996) er ein føroyskur svimjari, sum hevur sett fleiri føroysk juniormet í svimjing, og harafturat hevur hann eisini sett seniormet á ungum aldri.
Á FM Stevnuni í Havn í mai 2013 setti hann trý juniormet. Hann varð kosin Ársins stjørnuskot, tá allar kappingarnar vóru lidnar á FM 2013. Hin 21. mai 2013 varð hann úttikin til Føroyska svimjilandsliðið (ungdómslandsliðið), sum skal luttaka á NMU í Reykjavík 13. og 14. juli 2013.
Markus luttók á Bank Nordik stevnu í Vági í mars 2013. Hann setti føroyskt juniormet í 100 metrum bringu við tíðini 1:06.26.
Markus luttók á meistarastevnu í svimjing í Íslandi í apríl 2012. Hann setti føroyskt seniormet í 200 m bringu við tíðini 2:37.87, hetta var í innleiðandi riðli. Hann svam seg í finaluna, men varð tíverri kolldømdur í finaluni. Gamla metið var 2:38.20, sum Jákup Øssursson setti í 2006 í Luxembourg. Bartal Hestoy hevur seinni betra um hetta metið, sum í løtuni (mai 2013) er 2:26.44.
This article uses material from the Wikipedia Føroyskt article Markus Joensen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Innihaldið er tøkt undir CC BY-SA 4.0 um ikki annað verður viðmerkt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Føroyskt (DUHOCTRUNGQUOC.VN) is an independent company and has no affiliation with Wiki Foundation.