Jojjanɗe neɗɗo (no wi’ee kadi hakkeeji maa foddeeji neɗɗo) ko alhaali yowitiiɗo e jojjanɗe yummaaje e ndimaaku ngu kala Banii-Aadama hanndi e mum.
E ko woowi kon, ko ɗee ɗoo geɗe ndimaaku limtetee nde haala jojjanɗe neɗɗo umminaa: jojjanɗe e baŋŋe ɓii-leydiyaagal (siwil) kanyum e dawro (polotigi), e piide misal jojjannde nguurndam e ndimaaku, heɓtaare anndingol miijo mum, fotondiral yeeso sariya. Hino jeyaa e mum kadi jojjanɗe yowitiiɗe e renndo e pinal, ɗum no huɓindii jojjanɗe tawnugol hoore mum e alhaali pinal, jojjannde nyamri, jojjannde golle, jojjannde jannde e needi.
Ko Bayyinaango Winndereyankeewo wonande Jojjanɗe Neɗɗo (Déclaration Universelle des Droits de l’Homme) tonngunoo alhaali jojjanɗe neɗɗo e bayyinaango mum maandiniingo. Kuulal aranal bayyinaango ngon ko ɗum fewjunoo: "Denndaangal Banii-Aaadama’en jibinaama ko ɓe jeyɓe hoore maɓɓe ko ɓe fotooɓe e ndimaaku e jojjanɗe. Hiɓe yeɗaa hakkille e yila, hiɓe haani huuwondirde e nder neene-gootoyaagal."
This article uses material from the Wikipedia Fulfulde article Jojjanɗe neɗɗo maa hakkeeji neɗɗo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fulfulde (DUHOCTRUNGQUOC.VN) is an independent company and has no affiliation with Wiki Foundation.