2022年俄羅斯入侵烏克蘭

2022年俄羅斯入侵烏克蘭
俄烏戰爭嘅一部分
近期嘅軍事狀況   由烏克蘭控制嘅   畀俄羅斯佔領咗嘅同親俄武裝部隊嘅分佈範圍 如果想要詳細嘅地圖，可以去睇俄烏戰爭嘅詳細地圖（英文版）
日期： 2022年2月24號 (2022-02-24) – 而家 地點： 烏克蘭 同埋 俄羅斯 狀態： 持續緊（俄烏衝突一覽） 俄羅斯地面部隊由俄羅斯、克里米亞同埋白俄羅斯對烏克蘭發動全面侵略 俄羅斯用導彈以目標式空襲遍佈喺烏克蘭嘅大城市，包括首都基輔、夏爾奇夫同敖德薩
參戰方
俄羅斯  頓涅茨克人民共和國  盧甘斯克人民共和國 提供支援：  白俄羅斯  德涅斯特河沿岸共和國	烏克蘭
指揮官同領導者
弗拉基米爾·普京 米哈伊爾·米舒斯京 謝爾蓋·紹伊古 謝爾蓋·蘇羅維金 謝爾蓋·拉夫羅夫 瓦列里·格拉西莫夫 傑尼斯·普希林 弗拉基米爾·帕什科夫 列昂尼德·帕斯特爾納克 謝爾蓋·科茲洛夫	禾羅迪美·澤連斯基 傑尼斯·什米加爾 阿列克謝·列茲尼科夫 德米特里·庫列巴 安德烈·塔蘭 瓦列里·扎盧日內 謝爾蓋·沙普塔拉 魯斯蘭·霍姆恰克
兵力
俄羅斯： 45,350人（正規軍隊） 110,000人（輔助軍隊） 289,500人（後備軍隊） 頓涅茨克人民共和國： 20,000人（民兵） 盧甘斯克人民共和國： 14,000人（民兵）	烏克蘭： 209,000人（正規軍隊） 102,000人（輔助軍隊） 900,000人（後備軍隊）
想了解詳情，請睇 2022年俄羅斯入侵烏克蘭戰爭嘅指揮部門（英文版）
傷亡同損失
損失超過40萬人（烏克蘭話，截至2024年2月） 18萬人陣亡（澤連斯基喺2024年2月25號話）	俄軍陣亡人數嘅5分1（澤連斯基喺2024年2月播出嘅訪問度話） 31,000人陣亡（澤連斯基喺2024年2月25號話）
烏克蘭境內有至少5663個平民死咗（截至2022年8月） 最高峰嗰陣有超過800萬烏克蘭人喺國內流離失所，另有好多人走咗去其它國家度

早喺2021年3月，俄羅斯喺烏克蘭邊境陳兵十萬恐嚇烏克蘭，引發危機。全面侵略前幾日，俄羅斯正式承認2014年喺烏克蘭境內發動叛亂、畀烏克蘭當局列為恐怖組織嘅親俄武裝分子成立嘅傀儡政權頓涅茨克人民共和國同盧甘斯克人民共和國並同佢哋「建交」，之後俄軍喺21號以「進駐維和部隊」為藉口喺烏克蘭境內由親俄叛亂武裝分子侵佔嘅頓巴斯地區駐軍。2022年2月24號清晨，俄羅斯總統普京發表公開電視演說，以「特別軍事行動」對烏克蘭「去軍事化」同「去納粹化」為藉口，分別喺北部白羅斯，東部頓巴斯，同南部克里米亞三面嘅俄羅斯駐軍兵分三路全面侵略烏克蘭。北部戰線方面，轟炸包括首都基輔喺入面嘅幾個城市同埋軍事設施、登陸敖德薩港同埋進攻烏克蘭第二大城市夏爾奇夫。

俄羅斯對烏克蘭發動全面侵略引起國際社會公憤，世界各國都紛紛嚴厲譴責俄羅斯嘅侵略行徑同埋對俄羅斯實施嚴厲制裁，令俄羅斯爆發金融危機。

從發動全面侵略開始，俄羅斯軍隊就犯下屠殺平民、強姦婦女、綁架兒童、轟炸醫院等嚴重戰爭罪行，當中更有震驚世界各國嘅布查大屠殺。

橙色革命

喺2004年，時任總理嘅亞努科維奇宣佈咗為總統選舉嘅獲勝者，根據返烏克蘭最高法院嘅一項裁決，呢個選舉喺大程度上受到咗操縱。結果引起咗公眾嘅強烈抗議，支持反對派候選人域陀尤先科就對結果提出質疑。喺革命動蕩嘅幾個月入面，候選人尤先科突然患咗重病，好快就被多個獨立嘅醫生團體發現係俾 TCDD 嘅二噁英所引致中毒。尤先科強烈懷疑俄羅斯係同佢中毒有關。 最終導致咗和平嘅橙色革命，維克托·尤先科同尤利婭·季莫申科掌權，亦同時畀亞努科維奇成為反對派嘅領袖。

2008年拉脫維亞出品嘅紀錄片《蘇維埃嘅故事》（The Soviet Story）揭露咗蘇聯不為人知嘅惡行，導致外界對俄羅斯嘅好感降低。本片曾遭到俄羅斯方面嘅強烈抵制。

喺2008年，俄羅斯總統弗拉基米爾·普京公開反對烏克蘭加入北約嘅可能性。 去到2009年，羅馬尼亞分析家尤利安·奇夫（Iulian Chifu）同佢嘅合著者認為喺烏克蘭問題上，俄羅斯應該會推行布里茲尼夫主義嘅更新版本，規定咗烏克蘭嘅主權唔應該多過華約啲成員國。

喺2009年，亞努科維奇宣布佢諗住喺2010年烏克蘭總統大選中再次競選總統。 最後，亞努科維奇贏咗今次總統大選，喺2010年就任成為咗烏克蘭嘅總統。

喺2012年，普京再度成為俄羅斯總統，讓外界擔憂俄羅斯嘅政治倒退。

Euromaidan革命同戰爭

Euromaidan嘅抗議係喺2013年開始，原因係烏克蘭政府決定暫停簽署歐盟-烏克蘭聯合協議，而係選擇咗同俄羅斯以及歐亞經濟聯盟建立更密切嘅關係。 經過咗幾個禮拜嘅抗議，亞努科維奇同烏克蘭議會反對派領導人喺2014年2月21日簽咗一項要求提前舉行選舉嘅和解協議。 第二日，亞努科維奇喺彈劾投票前離開咗基輔，大大噉剝奪晒佢作為總統嘅權力。 烏克蘭東部講俄語地區嘅領導人宣布繼續效忠亞努科維奇， 導致 2014 年烏克蘭發生親俄騷亂。喺2014年3月，亞努科維奇通過克里米亞逃往俄羅斯。騷亂過後，俄羅斯喺2014年3月吞併克里米亞同引發咗頓巴斯戰爭，呢場戰爭喺2014年4月開始，至於俄羅斯喺戰爭期間建立咗親俄嘅頓涅茨克同埋盧甘斯克人民共和國。

喺2020年9月14號，烏克蘭總統弗拉基米爾·澤連斯基批准咗烏克蘭嘅《新國家安全戰略》，佢明文寫住「呢個戰略規定發展同北約嘅獨特夥伴關係，以加入北約。」去到2021年3月24號，澤連斯基簽署咗第 117/2021 號法令，亦都批准咗「克里米亞自治共和國同埋塞瓦斯托波爾市暫時佔領領土嘅解除佔領同重新融合戰略。」

喺2021年7月，普京發表咗一篇叫做《論俄羅斯人同烏克蘭人嘅歷史統一》嘅文章，普京其中亦都重申返佢嘅觀點，即係俄羅斯人同烏克蘭人係屬於「一個民族」。美國歷史學家蒂莫西·斯奈德（Timothy Snyder）將普京嘅思想描述為帝國主義， 而英國記者愛德華·盧卡斯就將普京描述為歷史修正主義。另外，第二啲觀察家將俄羅斯領導層描述為對現代烏克蘭以及佢嘅歷史有種扭曲嘅睇法。

俄羅斯曾經表示過，烏克蘭可能加入北約同北約擴大總體上威脅到俄羅斯同其他東歐國家嘅安全。 而另一方面，烏克蘭同北約嘅成員國指責普京企圖俄羅斯統一兼且係奉行激進嘅軍國主義政策。

2022年2月

 

喺2月24號莫斯科時間（UTC+3）6點前冇幾耐，普京宣布佢已經決定咗喺烏克蘭東部發動“特別軍事行動”。普京喺講話入面聲稱未有佔領烏克蘭領土嘅計劃，並聲稱佢支持烏克蘭人民嘅自決權。普京仲表示俄羅斯尋求對烏克蘭進行「非軍事化同去納粹化」——後者嘅講法俾新聞媒體CNN同埋NBC稱為「毫無根據」同「虛假」，並受到美國嘅譴責為大屠殺——並敦促烏克蘭軍人放低晒武器返屋企。鑑於俄羅斯國防部要求烏克蘭空中交通管制部門停止晒所有嘅航線，烏克蘭領空已經被限制咗為非民用空中交通，成個地區被歐盟航空視為活躍嘅衝突區安全局 (EASA)。

普京宣布後嘅幾分鐘之內，據報導喺基輔、哈爾科夫、敖德薩同頓巴斯發生咗爆炸。烏克蘭官員就話，俄羅斯喺馬里烏波爾同敖德薩登陸部隊，並喺基輔、哈爾科夫同第聶伯嘅機場、軍事總部以及軍事基地發射巡航導彈同彈道導彈。當地時間朝早6點48分左右，軍用車輛喺烏克蘭同白俄羅斯以及俄羅斯會合嘅地點通過 Senkivka 進入烏克蘭。一條短片捕捉到晒俄羅斯軍隊由俄羅斯吞併嘅克里米亞入緊去烏克蘭。克里姆林宮計劃最初將火砲同導彈瞄準指揮以及控制中心，然後派埋戰鬥機同直升機迅速獲得空中優勢。海軍分析中心表示，俄羅斯將發起一場鉗形運動，喺東部包圍基輔並包圍烏克蘭嘅軍隊，戰略目國際研究中心確定咗三個推進軸：北部嘅白俄羅斯、頓涅茨克同克里米亞美國認為俄羅斯有計劃噉「斬首」烏克蘭政府並建立親俄政府。

2022年3月

2022年3月3號，南部城市赫爾松嘅市長話俄軍已經控制咗嗰度嘅市政廳。

2022年3月10號，BBC報導美國官員估計俄軍響烏克蘭已經死咗5000至6000人。同一日烏克蘭官員話戰爭已經造成烏克蘭至少1000億美元嘅損失。《華爾街日報》話美國總統祖·拜登因為驚激嬲普京，所以否決咗向烏克蘭提供波蘭戰機嘅提案。

3月12號，烏克蘭總統澤連斯基話開戰頭17日烏軍一共有1300人被殺，另外直至11號有500至600個俄軍向烏軍投降。

3月28號，喺基輔西北面嘅伊爾平嘅市長話烏軍已經收復番伊爾平。

2022年4月

到咗4月初，喺基輔外圍嘅俄軍都已經撤退嗮，烏克蘭軍隊喺基輔外圍嘅布查發現咗好多具平民嘅屍體，話係俄軍殺佢哋嘅。俄羅斯話啲「證據」係假嘅，德國之聲同BBC都發佈咗佢哋嘅事實核查。

烏克蘭喺4月4號話俄軍已經損失咗18300人、147架飛機、134架直升機同647架坦克，至少1844架裝甲車輛、330台火炮系統，仲有好多其它軍備都畀人打爛咗。截至到4月8號，烏克蘭話佢哋嘅殮房同冷藏車卡度有大約7000具仲未有人認領嘅俄軍屍體。烏克蘭話俄軍黑海艦隊旗艦，飛彈巡洋艦「莫斯科號」喺4月13號中咗兩枚海王星導彈，俄羅斯國防部喺4月14號話「莫斯科號」沉咗，但就冇話係畀導彈打中。4月16號，澤連斯基話開戰以嚟烏軍已經死咗2500至3000人，另外有多達10000名烏軍受傷。

2022年5月至12月

烏克蘭喺5月5號話俄軍已經損失咗大約24700人、1092架坦克、2651架裝甲運兵車同好多其它武器裝備。

5月20號，馬里烏波爾剩低嘅烏軍向俄軍投降，計埋之前已經投降嘅，總共有超過2000名烏軍被俘。

2022年6月9號，有烏克蘭官員話每日有成100至200個烏軍陣亡。同日俄羅斯總統普京將自己同彼得大帝相提並論。普京話彼得大帝當年打大北方戰爭打咗21年，唔係去搶瑞典嘅土地，而係去攞番斯拉夫人嘅土地，當年彼得大帝起聖彼得堡嗰陣，冇一個歐洲國家承認嗰撻地係俄羅斯嘅，暗示西方國家終有一日會承認俄軍佔領嘅烏克蘭領土係俄羅斯嘅一部分，普京又話彼得大帝係攞番（佢哋嘅土地）同壯大（國家），依家就輪到佢哋返番去（嗰啲土地）同壯大（國家）。

2022年6月11號，烏克蘭官員話由2月俄軍入侵以嚟，烏軍已經有大約1萬人陣亡。6月12號，BBC有文指烏克蘭方面話俄軍每日射成5萬發炮彈，係烏軍射嘅數量嘅10倍。

2022年7月下旬，澤連斯基話烏軍喺攞到西方提供嘅海馬斯多管火箭系統等武器之後形勢好轉咗，前線烏軍嘅每日陣亡人數跌到30人左右。7月26號，澤連斯基話俄軍已經死咗約莫4萬人。

2022年9月，烏軍喺烏克蘭東部發動反攻，收復咗超過3000平方公里嘅領土。澤連斯基喺9月12號話烏軍喺9月以嚟已經喺東部同南部收復咗超過6000平方公里嘅領土。

2022年10月29號，烏克蘭話俄軍方面已經損失咗超過7萬人。

2022年11月9號，俄羅斯國防部長紹伊古下令俄軍撤出聶伯河以西嘅烏克蘭南部地區，退返去聶伯河東岸度。11月12號，烏克蘭話俄軍已經損失咗超過8萬人。

2022年11月15號，兩支俄製飛彈射咗入波蘭嘅 Przewodów 村，炸死咗兩個村民，事後調查表示飛彈可能係烏克蘭嘅反彈導彈反擊俄國飛彈嘅途中發生意外。

2022年12月22號，烏克蘭話開戰以嚟俄軍已經損失咗超過10萬人、成3000架坦克同283架定翼機。

2023年

2023年1月6號，烏克蘭話俄軍已經損失咗超過11萬人。

2023年3月2號，烏克蘭話俄軍已經損失咗超過15萬人。3月26號，烏克蘭話俄軍損失超過17萬人。4月12號，烏克蘭話俄軍損失超過18萬人。5月17號，烏克蘭話俄軍損失超過20萬人。

2023年6月23號至24號，華格納雇傭兵兵變。

2023年8月7號，烏克蘭話俄軍已經損失咗超過25萬人。10月5號，烏克蘭話俄軍損失超過28萬人、4千7百幾架坦克同6千6百幾支火炮。10月31號，烏克蘭話俄軍損失超過30萬人。11月22號，烏克蘭話俄軍損失超過32萬人。

2024年

2024年1月1號，烏克蘭話俄軍已經損失咗超過36萬人。2月16號，烏克蘭話俄軍損失超過40萬人。

澤連斯基喺2024年2月22號播出嘅訪問度話，烏軍同俄軍嘅陣亡比例係1對5。2月25號，澤連斯基話俄軍有18萬人陣亡，而烏軍就有31000人陣亡。

大洋洲

澳洲

澳洲政府話會針對部份俄羅斯個人同埋烏克蘭東部兩個分離地區嘅銀行、運輸、能源、石油、天然氣同電信嘅領或實施裁制。 又喺2022年二月廿七號宣佈通過北約向烏克蘭提供武器。

斐濟

斐濟代理總理艾亞茲·賽義德-海尤姆譴責俄羅斯喺烏克蘭嘅行動，呼籲俄羅斯快啲結束敵對行動同違犯國際法嘅行爲，又敦促俄羅斯「返到外交談判檯嘅上面」。

被歐盟同美國裁制嘅俄羅斯寡頭蘇萊曼·克里莫夫嘅超級遊艇阿瑪達（Amadea）被斐濟警方扣留。5月3號，斐濟一個法院裁定，美國係可以扣留呢艘超級遊艇嘅。

非洲

阿爾及利亞

阿爾及利亞外交部（英文：Ministry of Foreign Affairs (Algeria)（英文：Ministry of Foreign Affairs (Algeria)）話，阿爾及利亞正係喺度「關注烏克蘭局勢嘅發展」，又呼籲喺烏克蘭嘅阿爾及利亞人遵守阿爾及利亞大使館嘅指示。

波茨華拿

波茨華拿係譴責俄羅斯入侵烏克蘭嘅聯合國信函嘅八十七個簽署國之一。

據BBC響2022年3月13號嘅報導，有個俄羅斯經濟學家估計開戰以嚟有多達20萬俄羅斯人離開咗俄羅斯，有啲人係唔滿意普京嘅政策所以選擇走人。

英國國防部喺2023年5月估計，喺2022年有成130萬人離開咗俄羅斯。

俄羅斯喺體育運動方面都受到制裁。喺2022年FIFA世界盃外圍賽附加賽階段嘅俄羅斯足球代表隊，同埋參加緊歐洲賽嘅俄羅斯足球會都被取消資格。

美國

響2022年2月23至24號做嘅哈佛CAPS－哈里斯民調話有64%嘅美國登記選民覺得美國總統祖·拜登對俄羅斯太寬容，只有5%選民覺得拜登對俄羅斯太強硬。哈佛CAPS－哈里斯民調又話有59%選民相信俄羅斯總統普京入侵烏克蘭嘅部分原因係普京睇到拜登嘅軟弱，同埋有62%選民相信如果當勞侵仲係美國總統嘅話，普京就唔會入侵烏克蘭。

響2月25至27號做嘅哈里斯X民調話，有36%登記選民話俄羅斯對烏克蘭嘅攻擊令佢哋更傾向喺2022年中期選舉投票畀共和黨，24%話更傾向投畀民主黨，31%話冇影響。

響2022年3月3至4號做嘅路透/易普索民調話有74%美國人話美國同佢嘅北約盟友應該響烏克蘭設立禁飛區，但係大多數人反對派美國部隊到烏克蘭或者發動空襲去幫烏克蘭。

響2022年4月14至18號做嘅AP-NORC民調話54%美國人覺得拜登對俄羅斯入侵烏克蘭嘅回應唔夠強硬，有8%美國人覺得佢太強硬。

烏克蘭

2022年10月，蓋洛普發表一個喺9月做嘅民調，話有70%烏克蘭人認為烏克蘭應該繼續同俄羅斯打仗，直到打贏為止。喺嗰啲認為要打仗打到贏為止嘅人當中，91%嘅人話當烏軍收復曬自2014年以嚟嘅所有失地，包括克里米亞，先至算打贏。

• 各地就呢次事件嘅反應同有關事件：中國大陸、台灣、香港
• 基輔戰鬼
• 蛇島戰役
• 布查大屠殺