AÜV:oiden dollar (angl.: United States dollar ) om rahaühtnik, AÜV:oiden valdkundvalüt vspäi 1792.
Se om kaikiš znamasižemb mail'manvalüt, oti kaks' videndest SWIFT-maksmižsistemas vn 2013 semendkuspäi vn 2014 semendkuhusai (evro koumandest sil-žo pordol).
Üks' dollar jagase 100 centaks. Valütkod om USD. Simvolad: $, US$. Valütan regulätor om AÜV:oiden Federaline Varoidensistem (angl.: Federal Reserve System) vspäi 1913. Pästtud vspäi 1861 banknotad oma väges tähäsai. Severz'-se toižid valdkundoid kävutadas pävalütaks: Ekvador, Federativižed Mikronezijan Valdkundad, Maršalan Sared, Päivnouzmaine Timor, Palau, Sal'vador, Zimbabve. AÜV:oiden dollar om Panaman kahteks valütaks.
Nened rahuded oma pörundas: 1 (penni) i 5 (nikel') centad, 1 daim (10 centad), 1⁄4 (nelländez — kuoter), 1⁄2 (pol' — haf) i 1 dollarad. Banknotad: 1, 2, 5, 10, 20, 50 i 100 dollarad nominalanke. Om banknotoid surembanke nominalanke, no ei ole äi, i niiden pästand tuli lophu vl 1945.
Vspäi 1792 AÜV:oiden dollar vajehti olijoid valdkundan territorijal rahaühtnikoid: kontinentaline dollar i štatoiden valütad. Joudjas vajehtui valütkursan režim kävutase märičemha AÜV:oiden dollaran todesišt arvod. Kova kosketuz kuldan arvonke om tühjitadud vl 1976, konz Jamaikan valütsistem vajehti Bretton Vudsan sistemad, edel sidä kuldan trojine uncii maksoi 35 US$.
AÜV:oiden dollar Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article AÜV:oiden dollar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.