ᱚᱢᱤᱛᱟᱵᱷ ᱵᱚᱪᱚᱱ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱦᱤᱱᱫᱤ ᱯᱷᱤᱞᱢ ᱠᱷᱮᱞᱚᱸᱰᱤᱭᱟᱹ ᱟᱨ ᱯᱨᱚᱰᱭᱩᱥᱚᱨ ᱠᱟᱱᱟᱭ ᱾ ᱟᱡᱟᱜ ᱯᱩᱨᱟᱹ ᱧᱩᱛᱩᱢ ᱫᱚ ᱚᱢᱤᱛᱟᱵᱷ ᱦᱚᱨᱤᱵᱚᱝᱥ ᱨᱟᱭ ᱥᱨᱤᱵᱟᱥᱛᱚᱵᱽ ᱵᱚᱪᱚᱱ ᱾ ᱩᱱᱤ ᱫᱚ ᱑᱙᱔᱒ ᱥᱟᱹᱦᱤᱛ ᱚᱠᱴᱚᱵᱚᱨ ᱑᱑ ᱢᱟᱹᱦᱤᱛ ᱦᱤᱞᱚᱜ ᱥᱤᱧᱚᱛ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱟᱜ ᱯᱩᱭᱞᱩ ᱠᱷᱮᱞᱚᱸᱰ ᱯᱷᱤᱞᱢ ᱥᱟᱛ ᱦᱤᱱᱫᱩᱥᱛᱟᱱᱤ ᱑᱙᱖᱙ ᱥᱟᱹᱦᱤᱛ ᱱᱚᱵᱷᱮᱢᱵᱚᱨ ᱗ ᱦᱤᱞᱚᱜ ᱩᱪᱷᱟᱹᱱ ᱞᱮᱱ ᱛᱟᱦᱮᱸᱫ ᱾ ᱑᱙᱗᱐ ᱜᱮᱞᱟᱝ ᱨᱮᱱᱟᱜ ᱮᱛᱚᱦᱚᱵ ᱥᱮᱫ ᱨᱮ ᱡᱚᱧᱡᱤᱨ ᱟᱨ ᱫᱤᱣᱟᱨ ᱞᱮᱠᱟᱱ ᱯᱷᱤᱞᱢ ᱥᱤᱱᱮᱢᱟ ᱫᱩᱱᱤᱭᱟᱹ ᱨᱮ ᱥᱩᱯᱚᱨᱦᱤᱴ ᱴᱷᱟᱶ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱵᱚᱞᱤᱣᱩᱰ ᱨᱮ ᱠᱷᱮᱞᱚᱸᱰ ᱟᱠᱟᱫ ᱪᱩᱨᱤᱛ ᱠᱚ ᱞᱟᱹᱜᱤᱫ ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱮᱸᱜᱽᱨᱤ ᱭᱚᱝ ᱢᱮᱱ ᱢᱟᱹᱱ ᱦᱚᱸ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱦᱤᱱᱫᱤ ᱥᱤᱱᱮᱢᱟ ᱡᱤᱜᱮᱛ ᱨᱮ ᱵᱚᱞᱤᱣᱩᱰ ᱨᱤᱱᱤᱡ ᱥᱮᱦᱮᱱᱥᱟ, ᱥᱩᱯᱚᱨᱥᱴᱟᱨ ᱚᱯᱷ ᱫᱤ ᱢᱤᱞᱮᱱᱤᱭᱚᱢ ᱟᱨ ᱵᱤᱜᱽ ᱵᱤ ᱧᱩᱛᱩᱢ ᱛᱮ ᱵᱷᱟᱹᱜᱤ ᱠᱚ ᱵᱟᱰᱟᱭᱮᱭᱟ ᱾ ᱩᱱᱤ ᱫᱚ ᱵᱚᱞᱤᱣᱩᱰ ᱨᱮ ᱔᱐ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱑᱘᱐ ᱜᱚᱴᱟᱝ ᱜᱟᱱ ᱯᱷᱤᱞᱢ ᱨᱮ ᱯᱟᱴ ᱟᱠᱟᱫᱼᱟᱭ ᱾
ᱚᱢᱤᱛᱟᱵᱷ ᱵᱚᱪᱚᱱ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱚᱢᱤᱛᱟᱵᱷ ᱦᱚᱨᱤᱵᱚᱝᱥ ᱨᱟᱭ ᱥᱨᱤᱵᱟᱥᱛᱚᱵᱽ ᱵᱚᱪᱚᱱ ᱑᱑ ᱚᱠᱴᱚᱵᱚᱨ ᱑᱙᱔᱒ ᱟᱞᱞᱟᱦᱟᱵᱟᱫᱽ, ᱩᱛᱛᱚᱨ ᱯᱨᱚᱫᱮᱥ |
ᱠᱟᱹᱢᱤ | ᱠᱷᱮᱞᱚᱸᱰᱤᱭᱟᱹ, ᱯᱨᱚᱰᱭᱩᱥᱚᱨ |
ᱠᱟᱹᱢᱤ ᱚᱠᱛᱚ | ᱑᱙᱖᱙ - ᱱᱤᱛᱦᱟᱹᱵᱤᱡ |
ᱡᱤᱭᱚᱱ ᱥᱚᱦᱮᱫ | ᱡᱚᱭᱟ ᱵᱚᱪᱚᱱ (᱑᱙᱗᱓ - ᱱᱤᱛᱦᱟᱹᱵᱤᱡ) |
ᱦᱚᱯᱚᱱ | ᱚᱵᱷᱤᱥᱮᱠ ᱵᱚᱪᱚᱱ, ᱥᱣᱮᱛᱟ ᱱᱚᱱᱫᱟ |
ᱟᱯᱟᱛ ᱮᱸᱜᱟᱛ | ᱦᱚᱨᱤᱵᱚᱝᱥ ᱨᱟᱭ ᱵᱚᱪᱚᱱ, ᱛᱮᱡᱤ ᱵᱚᱪᱚᱱ |
ᱣᱮᱵᱽᱥᱟᱭᱤᱴ | srbachchan |
ᱥᱩᱦᱤ | |
ᱚᱢᱤᱛᱟᱵᱷ ᱵᱚᱪᱚᱱ ᱫᱚ ᱑᱙᱔᱒ ᱥᱟᱹᱦᱤᱛ ᱚᱠᱴᱚᱵᱚᱨ ᱑᱑ ᱢᱟᱹᱦᱤᱛ ᱨᱮ ᱥᱤᱧᱚᱛ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮ ᱢᱮᱱᱟᱜ ᱟᱞᱞᱟᱦᱟᱵᱟᱫᱽ (ᱯᱨᱚᱭᱟᱜᱽ ᱨᱟᱡᱽ) ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱩᱱ ᱡᱚᱠᱷᱟᱜ ᱥᱤᱧᱚᱛ ᱫᱚ ᱵᱨᱤᱴᱤᱥ ᱠᱚᱣᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱠᱚᱨᱤᱱ ᱦᱟᱯᱲᱟᱢ ᱠᱚ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱯᱨᱚᱛᱟᱯᱜᱚᱰ ᱦᱚᱱᱚᱛ ᱛᱟᱹᱨᱤ ᱨᱮ ᱢᱮᱱᱟᱜ ᱵᱟᱵᱩᱯᱚᱛᱤ ᱟᱹᱛᱩ ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛ ᱦᱚᱨᱤᱵᱚᱝᱥ ᱨᱟᱭ ᱵᱚᱪᱚᱱ ᱫᱚ ᱢᱤᱫ ᱧᱩᱢ ᱦᱟᱞᱟᱝ ᱦᱤᱱᱫᱤ ᱚᱱᱚᱬᱦᱤᱭᱟᱹ ᱟᱨ ᱮᱸᱜᱟᱛ ᱫᱚ ᱛᱮᱡᱤ ᱵᱚᱪᱚᱱ ᱯᱚᱧᱡᱟᱵᱽ ᱨᱮ ᱢᱮᱱᱟᱜ ᱞᱤᱭᱟᱞᱯᱩᱨ ᱨᱤᱱᱤᱡ ᱥᱤᱠᱷ ᱛᱟᱦᱮᱸ ᱠᱟᱱᱟᱭ ᱾
ᱚᱢᱤᱛᱟᱵᱷ ᱵᱚᱪᱚᱱ ᱫᱚ ᱱᱮᱭᱱᱤᱛᱟᱞ ᱨᱮᱱᱟᱜ ᱥᱮᱨᱩᱰ ᱠᱚᱞᱮᱡᱽ ᱨᱮ ᱟᱡᱟᱜ ᱵᱤᱨᱫᱟᱹᱜᱟᱲ ᱥᱮᱪᱮᱫ ᱮ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱟᱹᱨᱤ ᱨᱮ ᱢᱮᱱᱟᱜ ᱠᱤᱨᱚᱨᱤ ᱢᱚᱞ ᱠᱚᱞᱮᱡᱽ ᱠᱷᱚᱱ ᱰᱤᱜᱽᱨᱤ ᱥᱚᱱᱮᱨ ᱮ ᱥᱤᱫ ᱞᱮᱫ ᱛᱟᱦᱮᱸᱫ ᱾ ᱥᱚᱱᱮᱨ ᱥᱤᱫ ᱠᱮᱫ ᱛᱟᱭᱚᱢ ᱠᱚᱞᱠᱟᱛᱟ ᱨᱮ ᱦᱟᱱᱟ ᱱᱷᱟᱣᱟ ᱠᱚᱢᱯᱟᱱᱤ ᱠᱷᱚᱱ ᱡᱤᱱᱤᱥ ᱤᱫᱤ ᱟᱹᱜᱩᱭ ᱠᱟᱹᱢᱤᱭᱮᱫ ᱛᱟᱦᱮᱸᱫ ᱾ ᱚᱢᱤᱛᱟᱵᱷ ᱟᱜ ᱠᱷᱮᱸᱞᱚᱸᱰ ᱨᱮ ᱢᱚᱱᱮ ᱛᱟᱦᱮᱸ ᱠᱟᱱ ᱛᱟᱦᱮᱸᱫ ᱟᱨ ᱫᱟᱣ ᱦᱚᱸᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱢᱩᱢᱵᱟᱹᱭ ᱪᱟᱞᱟᱣ ᱠᱟᱛᱮ ᱠᱷᱮᱞᱚᱸᱰ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱚᱢᱤᱛᱟᱵᱷ ᱵᱚᱪᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.