Nordkorea

Öt es enne van d winnije vorblevve stalinistisch usjerichde Staat. D Hauptstadt va Nordkorea es Pjöngjang un had onjeväär 4 Milliun Bewonner.

Em Norde schlössd sisch China a Nordkorea a. Russland es op ön Längde va 19 Kilometer Nordkoreas Nobber em Nordoste, em Süde es öt Südkorea, em Weste es öt dat Jäähl Meer suwi em Oste dat Japanische Meer. Di Jrenz zo Südkorea bestehd seijd öt Eng vam Zweide Weltkresch.

 

Bo all Mänsche ä Nordkorea send Koreaner. Mä önö klenge Deel van öt Volk send Chinese. Dö politische Situatiun maad öt Usländer bo onmöjelich, sich em Land neer z losse. Zösamme brengd öt dat Land op 24 Milliun Äwonner.

D meetzde Koreaner send Buddiste övv Konfuzioniste. Opjrond van d politische Situation jlööve hü z dachs völl Mänsche a kenne Jott mi, send konfessiunslus. Su weed vorzalld, dat Christe opjrond van d Religiunszojehürichkeet ä Lajere jesperrd wäde.

Nodäm em Joohr 1972 Korea ön neu Vorfassung kräät, erheld Kim Il-sung ön Positiun, di mo ä kom ö Land op Ääd önö Mensch zosprechd. Hä wood voriihrd un als Papp van janz Nordkorea aajeseeh.

D Weetschaff van öt Land jehüüt zo d Sorjekenger van os Wält, wobeij d Planweetschaff van öt Land net fluppd. D Landweetschaff vorhelpd öt Volk mi schlääd als räät z övverlääve. En Hongersnut jachd d angere. Industri jitt öt kom, un öt metzde Jeld, da töt Land vordeent, jeeht en öt Militär.

Seijd Joohre werkd Nordkorea dora, ön Atombomb z bastele. Am 10. Oktober 2006 joov öt Land bekannd, ön Bomb zr Explosiun jebraad z ha. Övv dat stämmd, kann net met Secherheed jesaad wäde. Dat Nordkorea ävver an ön Raket bouwd, di d Westköst van d USA erreiche kann, dat es secher.

• D Siij va Nordkorea

  Commons: Nordkorea – Sammlung von Bilder, Filemche un Tön op Wiki Commons