Nglalu

Ing basa Inggris karan suicide, saka tembung Latin suicidium, saka sui caedere, "matèni awaké dhéwé"). Tumindak nglalu asring disebabaké déning rasa mutung kang sebabé digayutaké marang gangguan kajiwan kaya ta dhèprèsi, gangguan bipolar, skizofrenia, tumungkul marang alkohol/alkoholisme, utawa salahguna obat. Déné prakara kang njalari stres ing antarané ya iku masalah ing babagan ékonomi utawa duwé masalah kang magayutan karo wong liya. Uga nandang lelara kang mataun-taun durung mari. Manéka cara bisa kanggo nglalu lan kang paling umum antarané nggantung, ngombé racun lan migunakaké bedhil. Udakara wong cacah 800.000-1.000.000 nglalu saben tauné ing donya, saéngga nglalu uga dadi sebab nomer 10 saka seba-sebabé pati. Nglalu luwih akèh dilakoni déning wong lanang tinimbang wadon.