Farid Ad-Din Attar
Farid ad-Din Attar (perse فرید الدین عطار, Farīd ad-Dīn-e ʿAṭṭār; naskiĝis ĉirkaŭ 1145, mortis aprilon 1221), ofte konata simple kiel Attar, estis persa sufiisma poeto.
| Farid ad-Din Attar | ||
|---|---|---|
 | ||
| Persona informo | ||
| فَریدالدّین ابوحامِد محمّد عطّار نِیشابوری | ||
| Naskiĝo | ĉirkaŭ 1145 en Nejŝaburo,  Selĝuka Imperio | |
| Morto | 1221 en Nejŝaburo,  Mongola Imperio | |
| Tombo | Attar Mausoleum vd | |
| Religio | Sufi vd | |
| Lingvoj | persa vd | |
| Ŝtataneco | Irano vd | |
| Profesio | ||
| Okupo | filozofo • poeto • verkisto • apotekisto • biografo • mistikulo • Sufi vd | |
| Verkado | ||
| Verkoj | La Konferenco de Birdoj ❦ Tazkirat al-Awliya ❦ Mokhtar-nameh ❦ Book of secrets vd | |
| vd | Fonto: Vikidatumoj | |
Vivo
Attar naskiĝis ĉe Nejŝaburo en Ĥorasano, kaj verŝajne lia patro estis farmaciisto. La nomo "Attar" mem signifas "farmaciisto", kaj Attar laboris en tiu profesio. Multaj homoj petis liajn konsilojn, kaj konfidis al li siajn problemojn, kaj tio profunde tuŝis lin. Fine li forlasis sian apotekon kaj vojaĝis al aliajn landojn, kie li renkontis sufiismajn ŝejkojn. Reveninte, li forte subtenis sufiismajn konceptojn.
Li mortis aprile de 1221 dum masakro fare de mongoloj. Dum la 16-a jarcento memore al li konstruiĝis maŭzoleo en Nejŝaburo.
Verkoj
Attar mem diris ke li estas flua poeto en kies menson alvenas pli da ideoj ol li povus uzi. Tamen ne tute certas ke Attar fakte verkis ĉiujn el la multaj verkoj atribuataj al li.
Eble lia plej fama verko estas la longa poemo "La Konferenco de Birdoj" (arabe منطق الطیر, Manṭiq aṭ-Ṭajr). La upupo estras serĉon fare de diversaj specoj de birdoj por sia reĝo la simurgo (mita birdo), kaj la birdoj spertas multajn aventurojn kaj testojn. Ne ĉiuj finas la serĉon, sed tiuj kiuj sukcesas perdas sian propran identecon kaj iĝas ili mem la simurgo - metaforo de la unuiĝo de la homo spirito kaj Dio. La poemo plenplenas da sufiismaj konceptoj.
Galerio
-
Manṭiq aṭ-Ṭajr -
Manṭiq aṭ-Ṭajr -
Manṭiq aṭ-Ṭajr -
Manṭiq aṭ-Ṭajr
_MET_DT227734.jpg)
_MET_DT227735.jpg)
_MET_DT227736.jpg)
_MET_DT227737.jpg)
This article uses material from the Wikipedia Esperanto article Farid ad-Din Attar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.