Scarlett Johansson: Actriz, cantante y modelu estauxunidense

Empezó a amosar intereses pola música y l'actuación dende temprana edá, y a lo llargo de la so infancia y adolescencia formóse en dellos institutos como actriz. En teniendo dellos papeles secundarios en distintes producciones, llogró'l so primer protagónicu a los once años cola película Manny & Lo (1996), a la que depués-y siguieron The Horse Whisperer (1998) y Ghost World (2001), actuaciones que-y valieron l'aponderamientu de la crítica.

Scarlett Johansson
Vida
Nacimientu	Manhattan, 22 de payares de 1984 (39 años)
Nacionalidá	Estaos Xuníos
Grupu étnicu	asquenazí
Llingua materna	inglés d'Estaos Xuníos
Familia
Padre	Karsten Olaf Johansson
Madre	Melanie Sloan
Casada con	Ryan Reynolds (2008 – 2011) Romain Dauriac (2014 – div. 2017) Colin Jost (2020 – )
Pareyes	Colin Jost
Fíos/es	Rose Dauriac
Hermanos/es	Vanessa Johansson
Estudios
Estudios	Professional Children's School (en) Institutou de Teatru y Cine Lee Strasberg P.S. 41 (en)
Llingües falaes	inglés d'Estaos Xuníos inglés
Oficiu	actriz de cine, cantante, modelu, actriz de teatru, actriz de voz, artista d'estudiu, direutora de cine, actriz
Altor	160 cm
Premios	ver Estrella del Paséu de la Fama de Hollywood BAFTA a la meyor actriz  (2004) : Lost in Translation Hasty Pudding Woman of the Year  (2007) Premiu Tony a la meyor actriz de repartu nuna obra de teatru  (2010) : Panorama desde el puente (es) Theatre World Award  (2010) : Panorama desde el puente (es) César honoríficu  (2014) Time 100  (2021)
Nominaciones	ver Óscar a la meyor actriz (13 xineru 2020): Historia de un matrimonio (es) Óscar a la meyor actriz de repartu (13 xineru 2020): Jojo Rabbit
Miembru de	Academia de les Artes y les Ciencies Cinematográfiques
Xéneru artísticu	pop
Instrumentu musical	voz
Discográfica	Atco Records
Creencies
Relixón	xudaísmu
Partíu políticu	Partíu Demócrata
IMDb	nm0424060

Johansson nació na ciudá de Nueva York.​ El so padre, Karsten Johansson, ye un arquiteutu danés orixinariu de Copenhague (Dinamarca),​ y el so güelu paternu, Ejner Johansson, foi un guionista y direutor cinematográficu que'l so padre yera suecu. La so madre, Melanie Sloan, una productora, provién d'una familia d'orixe xudíu asquenazí del Bronx. Los ancestros de Sloan emigraron a Nueva York dende Minsk, Imperiu rusu.​ L'actriz tien una hermana mayor llamada Vanessa, que tamién ye actriz, un hermanu llamáu Adrian, un hermanu mellizu llamáu Hunter (qu'apaeció con ella na película Manny & Lo);​ y un mediohermanu mayor, Christian, del primer matrimoniu del so padre.

Creció nun llar con «pocu dineru»,​ y con una madre que yera una «cinéfila». Ella y el so hermanu mellizu asistieron a la escuela primaria nel barriu de clase media-alta de Greenwich Village, en Manhattan.​ Johansson empezó la so formación teatral asistiendo y graduándose de la Professional Children's School en Manhattan nel añu 2002.