Volución

Ichu procesu á originau la diversidá de hormas de vía qu'existin sobri la Tierra a partil d'un antepasau común. Los procesus volutivus án producíu la biodiversidá en cá nivel la organización biológica, incluyendu los d'especi, población, organismus individualis y molecular (volución moleculal). Toa la vía ena Tierra procedi d'un úrtimu antepasau común universal qu'existiu entri hazi 3800 y 3500 millonis d'añus.

La parabra volución se gasta pa describil los chambus i hue aplicá pol primera vez nel sigru XVIII pol un biólogu suizu, Charles Bonnet, en la su obra Consideration sur les corps organisés. No obstanti, el conceptu de que la vía ena Tierra evolucionu a partil de'un ancestru común ya había síu hormulau por varius filósofus griegus, y la hipótesis de que las especis se transhorman continuamenti hue postulá por numerosus centíficus los sigrus XVIII y XIX, a los cualis Charles Darwin citu nel primel capítulu del su libru El origen de las especies. Sin embargu, hue el propiu Darwin en 1859, quien sintetizu un cuelpu coerenti d'observacionis i aportu un mecanismu de chambu, al que llamu seleción natural; lo que consolidu el conceptu la volución biológica en una verdaera teoría centífica.

La volución cumu propiedá inherenti a los seris vivus no es matéria de debati ena comunidá centífica dedica al su estudiu; sin embargu, los mecanismus qu'explican la transhormación i diversificación las especis se hallan baju intensa i continua investigación centífica.

Dos naturalistas, Charles Darwin y Alfred Russel Wallace, propusierun en horma endependienti en 1858 que la seleción natural era el mecanismu básicu responsabli del origin de nuevas variantis genotípicas i en úrtima instancia, de nuevas especis. Actualmenti, la teoría la volución combina las propuestas de Darwin y Wallace con las leyis de Mendel i otrus avancis posterioris ena genética; pol esu se la denomina síntesis moderna o «teoría sintética». Sigún esta teoría, la volución se defini comu un chambu ena frecuencia delos alelus d'una puebración a lo longu las generacionis. Este chambu puei sel causau pol diferentis mecanismus, talis cumu la seleción natural, la deriva genética, la mutación y la migración o fluju genéticu. La teoría sintética recibi en l'actualidá una aceptación general la comunidá centífica, manqui tamién argunas críticas. Los avancis d'otras disciplinas relacionás, comu la biología molecular, la genética del desarrollu o la paleontología án enriquecíu la teoría sintética endi la su hormulación, en tornu a 1940. Actualmenti siguin surgiendu hipótesis sobri los mecanismus del cambiu volutivu basás en datus empíricus tomaus d'organismus vivus.

• Volución experimental
• Volución umana
• Volución convergenti
• Dinámica de sistemas

Referéncias

Bibliografía

• Ayala, F.J. (1994): La teoría de la evolución. De Darwin a los últimos avances de la genética. Ediciones Temas de Hoy, S.A. Colección Fin de Siglo / Serie Mayor, 60. 237 págs. Madrid ISBN 84-7880-457-9
• Ayala, F.J. y Valentine, J.W. (1983 [1979]): La evolución en acción. Teoría y procesos de la evolución orgánica. Editorial Alhambra, S.A. Alhambra Universidad. 412 págs. Madrid ISBN 84-205-0981-7
• Cabello, M. y Lope, S. (1987): Evolución. Editorial Alhambra, S.A. Biblioteca de Recursos Didácticos Alhambra, 12. 114 págs. Madrid ISBN 84-205-1535-3
• Castrodeza, C. (1988): Teoría Histórica de la Selección Natural. Editorial Alhambra, S.A. Exedra, 160. 284 págs. Madrid ISBN 84-205-1740-2

•   En Commons ai conteníu multimedia sobre Volución.

En español:

• «La volución es un hechu y una teoría», endilgui en el sitiu web Chile Skeptic.
• «La evolución biológica como un hecho y como una teoría», endilgui de Stephen Jay Gould en el sitiu web Sin Diosis.
• Volución y ambienti.

En ingrés:

• Un estudiu pa sabel d'ondi venimus y adóndi vamus (ingrés)