Valladolís: Monicipiu, cidá i capital dela provincia de , en España
Valladolís (De horma oficial i en castellanu Valladolid ), tamién mentau de horma populal comu Pucela, es un monicipiu, capital dela provincia omónima, i sedi delas Cortes i la Junta de Castilla i León.
Agora ain pessonas trebajandu nesti artícalu
Por causa d'estu, puein faltal conteníus o avel marrus en el hormatu. Has el favol, enantis de hazel qualquiera muación, vai-ti ala carava a tentu d'esti artícalu pa poel cordinal la su redación.
S'assitiá nel centru dela Sumeseta norti, en vera los ríus Pisuerga i Esgueva. Es la mayol cidá dela Comunidá Utónoma de Castilla i Lión, i la 13º mayol cidá d'España, con 297.775 abitantis i cona puebración ena su aria urbana de 407.148 abitantis.
Valladolís s'assitia nel centru dela Sumeseta norti, nel valli del ríu Pisuerga. Geográficamenti s'assitia nel centru dela provincia de Valladolís i dela Comunidá Utónoma de Castilla i Lión. El su términu monicipal arraya colos monecipius de Cabezón de Pisuerga, Santovenia de Pisuerga, Cigales, Fuensaldaña, Mucientis, Villalba de los Alcores, Valdenebro de los Valles, La Mudarra, Peñaflor de Hornija i Villanubla al norti; Con Zaratán, Arroyo de la Encomienda i Simancas al ponienti; Villanueva de Duero, Viana de Cega, Boecillo, Laguna de Duero i La Cistérniga al sul; i Renedo de Esgueva i Castronuevo de Esgueva al salienti.
Idrografia
El ríu Esgueva desemboca nel ríu Pisuerga en Valladolís. Cerca dela cidá, varius ríus desembocan nel Dueru, encruíu el Pisuerga
Estoria
Edá Media
La villa hue repuebrau nel sigru XI pol Condi Ansurez.
Edá Moerna
Palacio Real de Valladolís, residencia del emperaol Helipi III
Nel añu 1601, el Rei Helipi III muó la Corti de Mairil a Valladolís, convirtiendu la villa ena capital d'España. Cincu añus dispués, en 1606, la Corti golvió a Mairil.
Geografía umana
Olganiçación territorial
Valladolís s'alcuentra devidía en dozi destritus, sin nombri i numeraus del unu al dozi.
Destritus de Valladolís
Nombri
Barrius qu'horman el destritu
Distrito 1
Centro (Plaza Mayor)
Distrito 2
Barriada de la guardia Civil, Paseo Zorrilla (bajo), Gamazo
Distrito 3
Caño Argales
Distrito 4
Delicias, Polígono San Cristobal
Distrito 5
Centro (Cantarranas, Plaza España, Universidad)
Distrito 6
Circular, Las Flores, Páramo de San Isidro, Pajarillos Vadillos,
Distrito 7
Batallas, Belén, La Pilarica, San Juán
Distrito 8
Barrio España, Hospital, La Rondilla, San Pedro Regalado
Distrito 9
Centro (San Miguél, San Nicolás, San Pablo)
Distrito 10
Arturo Eyries, Girón, Huerta del Rey, Parquesol, La Victoria
Distrito 11
Covaresa, Cuatro de Marzo, La Rubia, Parque Alameda, Paseo Zorrilla (Alto)
Distrito 12
La Overuela, Navabuena, Pinar de Antequera, Puente Duero
Demografía
Trasporti i comunicacionis
Trasporti entreurbanu
Carreteras
L'utovía A-62 al su passu por Valladolís
Varias utovías tienin nacencia i trasvessan el monecipiu. Las utovías A-60, A-11 i N-601 tienin nacencia en Valladolís. L'utovía de cercunvalación VA-30 arroea el monicipiu. I l'utovía A-62 trasvessa pol ponienti, de norti a sul.
Herrocarril
Entrá de la Estación de trenes Valladolid - Campo Grande.
La cidá tien una estacion de trenis, l'Estación Valladolid-Campo Grande (tamién mentau comu Estación del Norte), con servicius qu'enganchan colos monicipius dela provincia, dela comunidá i d'España.
El sapeaderu Valladolid-Universidad da serviciu al campus nuversitariu Miguel Delibes i alos barrius de La Pilarica i Belén. Nesti sapeaeru paran angunus servicius de trenis regionalis i Media Distancia. qu'enganchan Valladolís con Palencia, Lión, Mairil, Xixón i Santandel.
Una segundera estación, l'Estación Valladolíd-La Esperanza (antigamenti mentau Estación de Ariza), hormava parti dela liña Valladolid - Ariza, que enganchava la cidá cona puebración d'Ariza, ena provincia de Çaragoça. La liña afechó en 1994, i ogañu sólu el cachu hata la hábrica Fasa-Renaul s'alcuentra en enhuncionamientu pal trasporti de cochis. L'estación es sedi dela Asociación Vallisoletana de Amigos del Ferrocarril (ASVAFER).
Alta velocidá
El tren d'alta velocidá llegó el 22 de diziembri de 2007, cona costrución e inaguración dela liña Madrid-Segovia-Valladolid. Una segundera liña (Valladolid-Palencia-León) abrió el 30 de setiembri de 2015, enganchandu Valladolís con Lión.
Otobús
L'Estación de Autobuses de Valladolid opera varias liñas nel ária metropolitana i sotras capitalis nacionalis.
Trasporti airiu
L'Aeropuerto de Villanubla, assitiau nel monicipiu de Villanubla, es el más cercanu ala cidá (solu a 10kms de distancias).
Trasporti urbanu
Otobús
El primel serviciu d'otobús urbanu escomençó a enhuncional el 23 de juñu de 1928, momentu enque las liñas de trenvía d'aquel entoncis nu eran suficientis pal trasporti urbanu. La liña (Plaza Mayor - Delicias) era propiedá del impresariu peñafielensi Cipriano Díez Platero. Alo largu dela década de 1930, las liñas de trenvía huerun restituías hata desparecel en 1933.
L'impresa monicipal Auvasa (Autobuses Urbanos de Valladolid, S. A.) opera los otobusis monicipalis dendi 1982. Dendi 2018 cuenta con 20 liñas ordinarias (2 d'ellas roalis), 5 liñas noturnas (mentaus Buho), 9 liñas alos políganus endustrialis con serviciu solu los diás laboralis, 7 liñas matinales con servicius solu los días laboralis, 2 liñas (mentaus Lanzaderas) al campus nuversitariu Miguél Delibes, i 6 liñas especialis (mentaus Futbol) con serviciu duranti los partíus de fubu nel estadiu José Zorrilla .
Economía
L'endustria más importanti es l'utomotriz. Dos impresas tien fábricas nel monicipiu: Fasa-Renault i Michelín.
Política
Almenistración utonómica
Castilla i Lión nu tien capital oficial, peru dendi 2007 es sedi delas Cortes de Castilla y León i dendi 1980 dela Junta de Castilla y León.
Almenistración provincial
Valladolís es sedi dela Diputación Provincial de Valladolid, assitiau nel Palacio Pimentel.
Almenistración monicipal
El gobielnu monicipal s'alcuentra ena Casa Consistorial, ena Plaza Mayor.
This article uses material from the Wikipedia Estremeñu article Valladolís, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.
Agora ain pessonas trebajandu nesti artícalu
España
En Commons ai conteníu multimedia sobre Valladolís.