Motivu Bach

Nesta página se gasta una ortografía destinta ala que normalmenti se gasta ena Güiquipedia.

B marca un si bemol, mientris que la H marca un si natural.

Esti motivu de cuatru notas ha síu gastau d'una tupa compositoris comu homenaji a Johann Sebastian Bach. El primel ejempru del su gastu es una pieza de Jan Pieterszoon Sweelinck, pero tamién podería sel que lo gastara comu homenaji a angunu de los antepassáus o familiaris de Bach, que muchus juerun tamién grandis músicus.

Bach usó esti motivu comu sujetu d'una fuga ena parti final de l'Arti de la Fuga (Die Kunst der Fuge) (BWV 1080), una obra que no llegó a arrematal, ya que murió en 1750. Pareci tamién en algotras piezas, comu ena final de la cuarta variación canónica de "Von Himmel Hoch", BWV 769. Assin y to la su pressencia nel penúltimu compás de "Kleines harmonisches Labyrint", BWV 591, no es mu sinificativa y la obra podería sel un plagiu (s'ha mentáu que l'auténticu autol podería sel Johan David Heinichen). Pareci tamién ena "Passión sigún San Matéu]] ena sección 63.b, andi el coru canta Warlich, dieser ist Gottes Sohn gewesen ("esti hombre ha síu en verdá l'hiju de Dios"). En muchas obras, enque no se tocan las notas B-A-C-H essatamenti, se gasta una tresposición de la mesma secuencia.

Dessisti una fuga pa tecláu en fa mayol d'unu los hijus de Bach, probabrimenti Johan Christian Bach o quiddiás Carl Philipp Emanuel Bach, en que pareci el motivu, pero no jue ata'l sigru XIX cuandu l'intrés pola obra de Bach revivió y el motivu golvió a usalsi con cierta frecuencia.

Des que Bach usó un motivu sonoru basáu enas letras del su nombri, algotrus compositoris lo han usáu tamién comu recursu en fugas u otras obras contrapuntísticas comprejas.

• 1845 - Robert Schumann: Seis fugas pa órganu, pedal de pianu o armoniu, Op. 60
• 1855 - Franz Liszt: Fantasie und Fuge über das Thema B-A-C-H, pa órganu (más tardi arregráu pa pianu)
• 1878 - Nikolai Rimski-Kórsakov: Variations on BACH, pa pianu
• 1900 - Max Reger: Fantasia and Fugue on B-A-C-H pa órganu
• 1910 - Ferruccio Busoni: Fantasia contrappuntistica pa pianu (primel versión; otras versionis en 1912 y 1922)
• 1911 - Carl Nielsen: Conciertu pa Violín i Orquesta (Op. 33/FS 61)
• 1932 - Arthur Honegger: Prélude, Arioso, Fughette pa pianu (más tardi arregráu pa orquesta de cuerda)
• 1932 - Francis Poulenc: Valse-improvisation sur le nom Bach pa pianu
• 1937-38 - Anton Webern: Cuartetu de cuerda (las tonalidáis están basas nel motivu BACH)
• 1952 - Jean Coulthard: Variations on BACH pa pianu
• 1952 - Luigi Dallapiccola: Cuadernu musical de Annalibera
• 1964 - Arvo Pärt: Collage over B-A-C-H pa cordes, obói, clavicordiu y pianu
• 1974 - Rudolf Brucci: Metamorfosis B-A-C-H pa cuerdes
• 1976 - Milos Sokola: Passacaglia quasi Toccata on B-A-C-H pa órganu
• 1985 - Alfred Schnittke: Concerto Grosso No. 3
• Anys 90 - Ron Nelson: Passacaglia (Homage on B-A-C-H) pa conjuntu de vientu

Juera de l'ámbiti musical, el motivu tieni cierta importancia nel argumentu d'angunus capítulus del libru ganaol del premiu Pulitzer Gödel, Escher, Bach, de Douglas Hofstadter.