José Benito Mateos Pascual
José Benito Mateos Pascual es un tamborileru, escrebiol i políticu charru.
| José Benito Mateos Pascual | ||
|---|---|---|
| Enhormación pressonal | ||
| Nacencia | 1974 | |
| Nacionalidá | Española | |
| Enhormación profissional | ||
| Oficiu | Escrevienti | |
Via
José Benito, "Txebe", tuvu nacéncia en Mairil en Jeneru el 1974, ihu padris charrus (el pairi de Villarrúbias i la mairi de Peñaparda). Tamién tieni antepasáus en Estremaúra, pos una de las sus bisagüelas nació ena Torri Don Miguel (Cáciris).
Anduvu viviendu en Tenerifi pol dos añus a finalis la décaa los 70 i endispués ahuyó pa Leganés, enos Mairilis. Hogañu vivi nel pueblu de Peñaparda (Salamanca).
Hizu la carrera Impresarialis ena Univelsiá Carlos III. Es unu los pocus tamborilerus dessistentis, ehelciendu en Peñaparda, Villarrúbias ansimesmu comu ena Casa de Salamanca en Leganés y nel grupu "Chabarconis d'El Rebollal", del que es co-fundaol.
La su labol ena cultura oral i musical de pal Rebollal es notabri, llevandu la rivista dehital La Gurulla, trebahandu cumu tamborileru i escrebiendu al tentu la zona. Dispués del su pasu por el PREPAL (Partíu Regionalista del País Leonés, 2004-2016), dendi'l añu 2016, melita enas filas del partiu leonesista UPL (Uñión el Pueblu Leonés) . Jué'l candidatu pola UPL a las Cortis autonómicas pola provincia de Salamanca enas Eleicionis Autonómicas del añu 2019.
Obras
Amás de labutal en La Gurulla, tien espubricau várius librus:
- Breve descripción de Peñaparda. (añu 2002)
- El corral los mis agüelus (puemáriu, añu 2004). La puesía "Jálama", d'esti libru, jué leída el 26 de mayu de 2010 en las Cortis de Castilla y León comu parti d'una Proposición No de Lei (PNL) pa la defensa de la lengua leonesa.
- El Principinu (añu 2021), tradución a la "palra d'El Rebollal" del libru "Le Petit Prince"
Escribi tamién cuentus en la palra d'El Rebollal, habiendu recebíu premius varius d'ellus.
Bibliografia
- Mateos Pascual, J.B. "Breve descripción de Peñaparda". Mairil, Edición Personal. 2002
- Mateos Pascual, J. B., "El corral los mis agüelus", Mairil, Edición Pressonal, 2004.
- Antoine de Saint-Exupéry / Mateos Pascual, J.B. (tradución) "El Principinu". Mairil, Libros desde Tuma, 2021
Atihus
This article uses material from the Wikipedia Estremeñu article José Benito Mateos Pascual, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.