Ismael Carmona Garcia
Ismael Carmona García (Badajós 1986), es un filólagu provinciu de Val-dela-Calçá (Badajós).
Es unu los defensoris prencipalis del estremeñu.
| Ismael Carmona García | ||
|---|---|---|
 | ||
| Enhormación pressonal | ||
| Nacencia | 1986 Badajoz (España) | |
| Nacionalidá | Española | |
| Enhormación profissional | ||
| Oficiu | Lingüista | |
Vía
Iju dun valviensi i duna poblanchina, cursó los estudius de primaria nel colegiu Adolfo Díaz Ambrona en Val-dela-Calçá. Nel 2000 muó los sus estudius de segundaria pal estitutu Enrique Díez Canedo dela Puebla dela Calçá. Entre el 2004 i 2009 estudió Filología Crássica ena Uex. Enos últimus añus trabaja de professol d'estitutu.
El su interés pol estremeñu vinu gracias ala su familia i al atrás dela letura el Miajón de los Castúos. Partiendu dun contautu vivu cona lengua, esmençó con estudius de fonética envestigandu la palra las Vegas Baxas, destraçandu quairus fonéticus i palabrerus con el léssicu dela zona.
Ativiá literaria
- 2003: Premiu nel concursu literariu Extremadura Unida con el poema entitulau La matanza.
- 2004: El otoño del hombre. Inédita.
- 2005: Mentación d'onol con un relatu cortu nel certami literariu "San Isidoro de Sevilla" que aprepara la Facultá de Filosofía i Letras, en Caçris.
- 2006: Pubricacion ena revista asturiana d’autoris nuevus Formientu cona pieça Cumpríu.
- 2007: accesit de poesía nel certami literariu añeru "San Isidoro de Sevilla" con Tres piezas en un estilo flamígero. En Noviembri 2007 acibi una mentación especial en poesía nel concursu apreparau pol Colectivo Ataecina de Terrassa (Barcelona) pol haci poemas Kyklos. Arremati de Pan i verea, poemariu escritu por enteru en estremeñu.
- 2010: Segundu poemariu en estremeñu Endofísica.
- 2012: Calavoración en Formientu (nu. 11) cona poesía Una idea sembrá. Calavoración ena Revista de Ferias de Montijo con el cuentu El barrilino.
- 2013: Calavoración en Formientu (nu. 13) cona poesía Oda al sistema.
- 2015: Pubricación de Quántu silenciu guarda la nochi nel pedióricu Crónicas de un pueblo (hebreru, 2015).
Ativiá envestigaora
En 2004, ena assestancia al 1u congressu entrenacional que apreparó l’associación APLEX pubricó las sus entencionis de trobajal por un estremeñu unificau o coiné estremeña, destiná prencipalmenti pal lenguagi escritu. Dende esti añu hata agora, escomençó ala par que sus estudius de Crássicas, el estudiu del estremeñu.
Pa dil enseñandu al púbricu las sus pesquizas, en 2005 crió el blogui Cúyu pan esgarras?. Nella tienin lugal artículus ondi s’esboçan preceutus a tentu dela gramática el estremeñu.
Nel veranu el 2006 escomencipió la redación la Ortografía del extremeño, un manual ondi se pretendi regulal las pautas el escrevieru.
Nel veranu 2007 escrivió la primel edición el Diccionario castellano-estremeñu, con un total de 7.300 entrás i ondi se hazi juíziu sobre el escrevieru corretu delas palabras i la correspondencia d’equivalentis entri dambas dos luengas.
Últimamenti anda nel escrivieru duna Gramática del extremeño, dela que á espubricau en otubri 2009 una primel entriega dedicá ala morfología estremeña (Morfología del extremeño). Anda, tamién, hiziendu un estudiu la palra estremeña enas Vegas Baxas de Guadiana (Badajós) i d'estudius diversus al reol del léssicu estremeñu, sobre tó etimológicus.
En 2011 participó ena hundación del OSCEC, que es el presidenti, i s'enlió a trabajal dendi la Comissión de Lengua ena elavoración duna ortografía unificá i aconllegá. Tamién está a apreparal un dicionariu d'estremeñu, que rebuessa ya las 25.000 entrás, i dendi 2013 escrivi en otru blogui dondi aprendel la lengua.
Ativiá divulgaora
Dendi el OSCEC da chalras por toa Estremaúra concenciandu a tentu delas lenguas amenuías d'Estremaúra. Participa en el pograma d'arradiu El Rincón Extremeño ca sábau aprendiendu vocabulariu i coltura estremeña alos oyentis. Tien una coluna semanal d'opinión nel Periódico Extremadura escrita por enteru en estremeñu.
Referencias
Atillus
- Blog Lengua estremeña
- Blog Cúyu pan esgarras?
- Blog Las Vegas Baxas
- Blog La bellota literaria
- Blog Pan i verea
| Literatura n'estremeñu | |
|---|---|
| Autoris: José María Alcón Olivera • Juan José Camisón • Ismael Carmona García • Vicente Corrales • Cruz Díaz Marcos • Francisco Durán Domínguez • Juan García García • Aniceto Garrido Retortillo • José María Gabriel y Galán • Antòniu Garríu Correas • Pablo Gonzálvez • Elisa Herrero Uceda • Miguel Herrero Uceda • Enrique Louzado Moriano • Luis Martínez Terrón • José Benito Mateos Pascual • Antonio Sánchez Gil Obras: Al tentu la providéncia • La Cohtitución Ehpañola en Ehtremeñu • El corral los mis agüelus • Ebanheliu sigún San Huan • Primera Gramática Ehtremeña • Primera Antología de Poesía Extremeña • El Prencipinu • Pan i verea • Requilorios • Los beneficios del teléfono • El serano de las comadres • La nueva literatura en estremeñu • La nueva literatura en estremeñu 2 • Ceborrincho, relatos extremeños • Mamaeña, relatos extremeños Webs: Belsana • La billota literária • Cúyu pan esgarras? • EstremaWeb • Güiquipeya • La gurulla • Ogañu | |
| Guipal más endirguis al tentu... | |
This article uses material from the Wikipedia Estremeñu article Ismael Carmona Garcia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.