La Edá Meia, Edá Meya o Medievu es el periodu estóricu de la cevilización ociental comprendiu entre el sigru V i el XV.
El su escomiençu s'assitía convencionalmenti nel añu 476 cona caía del Empériu romanu d'ocienti i el su fin en 1492 con el descubrimientu d'América, o en 1453 cona caía del Empériu bizantinu, fecha que tien la ventaja de coincidil cona envencion de la emprenta (Biblia de Gutenberg) i con el fin la Guerra los Cien Añus.
Ogañu los estoriaoris del periou prefierin matiçal esta rutura entre Antigüeá i Edá Meia de holma qu'entre los sigrus III y VIII se palra d'Antigüedá Tardia, que vria siu una gran etapa de transicion en tolos ámbitus: eno económicu, pala sustitucion del mó de proucion esclavista pol mó de proucion feudal; eno social, pala desaparicion del concetu de ciaanía romana i la definicion de los estamentus meyevalis, eno políticu pala descomposicion las estruturas centralizás del Empériu romanu que dió passu a una dispersion del poel; i eno ideológicu i cultural pala asorción i sustitucion la cultura crássica polas teocéntricas culturas cristiana o islámica (ca una nel su espaciu).
Albondu vezis se devii en dos grandis perius: Temprana o Alta Edá Meia (sigru V a sigru X, sin una clara diferenciacion cona Antigüeá Tardía); i Baja Edá Meia (sigru XI a sigru XV), que a la su vezi puei deevil-se nen un periu de plenitú, la Plena Edá Meia (sigro XI al sigru XIII), i los dos últimus sigrus que presenciarun la Crisi la Edá Meia o del sigru XIV.
This article uses material from the Wikipedia Estremeñu article Edá Meia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.