Se denomina açuca nel gastu más extendiu dela parabra, a la sacarosa, cuya hormula química es (C12H22O11), también llama «açuca común» o «açuca de mesa».
La sacarosa es un disacáriu hormau pol una molécula de glucosa i una de frutosa, que se obtieni principalmenti de la caña de açuca o dela remolacha. El 27 % dela produción total mundial se realiça a partil dela remolacha i el 73 % a partil de la caña de açuca.
La sacarosa se alcuentra en toas las prantas i en cantidais apreciablis en otras prantas destintas dela caña de açuca o la remolacha, cumu el sorgi i el arci açucareru.
En ámbitus endustrialis se gasta la parabra açuca o açucaris pa designal los diferentis monosacárius i disacárius, que generalmenti tinin sabol duci, anque pol extensión se refieri a tous los idratus de carbonu.
Hundi a los 160 °C i calenta a 210 °C se transhorma en una masa de colol pardu denomina caramelu, gasta ena elaboración de ducis o pastelis, asín cumu pa la saborización i coloración de líquius.
Si se calienta pol incima de 145 °C en presencia de compuestus aminu (NH2), dimanaus pol ejemplu de proteínas, tien lugal el compleju sistema de reacionis de Maillard, que genera coloris, oloris i saboria generalmenti apeteciblis i tamién pequeñas cantidais de compuestus indeseablis.
El açuca es una emportanti huenti de calorías ena dieta alimenticia moderna, peru es frecuentementi asocia a calorías vacías, ebiu a la completa ausencia de vitaminas i mineralis.
En alimentus endustrialiçaus el porcentaji de açuca puei llegal al 80 %.2 La Organiçación Mundial dela Salú recomienda que el açuca nu superi el 10 % delas calorías diarias consumias.
This article uses material from the Wikipedia Estremeñu article Açuca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.