Antonio Elviro: Méicu, pensaol i pairi del regionalismu
Antonio Elviro Berdeguer (Salorinu, Caçris, 13 juñu del 1892 - Caçris, 7 diziembri del 1936) hué un pensaol i meicu estremeñu, considerau el pairi del regionalismu estremeñu.
| Antonio Elviro | ||
|---|---|---|
 | ||
| Enhormación pressonal | ||
| Nacencia | 13 de junio de 1892 Salorino (España) | |
| Muerti | 7 de diciembre de 1936 (44 años) Cáceres (España) | |
| Causa de muerti | Heriúra por arma de hueu | |
| Nacionalidá | Española | |
| Enhormación profissional | ||
| Oficiu | Políticu, intelectual y meicu | |
Biografia
El su pensaeru tieni'l giru alreol de dos movimientus comu'l socialismu i el regionalismu. La su precupacion se centró nel campesinau, comu elementu produtivu dela socieá roal.
Hué unu delos prencipalis pessonagis en dal el vencijón pal Ateneu de Caçris comu centru del pensaeru críticu, enque entavía no tieni nengún omenagi púbricu nesta ciá. Tamién hué unu delos dos primel candilatus regionalistas estremeñus en participal enas elecionis generalis, pol destritu d'Alcántara nel añu 1918. Es considerau comu'l pairi del estremeñismu debíu al su comprometimientu regionalista col pogressu i la trasformación d'Estremaúra.
Nel 1920 espubricó el manifiestu Extremadura para los extremeños, ondi esponia las sus tesis regionalistas. La su ativiá conetava col movimientu obreru i agrariu, enfrentandu-si ala gran oligarquia. Duranti la Segunda Repúbrica Española volucionó finalmenti pal socialismu. Endispués el su pensaeru i el su trebaju col sendicalismu agrariu ayuarun a promovel el alevantamientu campusinu del 25 de marçu del añu1936 n'Estremaúra.
Ena guerra cevil hue arrestau polas huerças sublevás, huendu julgau por un Conseju de Guerra i afusilau en Caçris el 7 de diziembri del añu 1936.
Referencias
Bibliografía
- Los partidos Políticos, espubricau nel 1916.
- El Dolor de Vivir, folletu col conteníu dela conferencia que hizu en Valencia d'Alcántara en juñu del 1918.
- Extremadura para los extremeños, espubricau nel 1920.
This article uses material from the Wikipedia Estremeñu article Antonio Elviro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.