Europako Ibaiak

Volga (3.690 km) eta Danubio (2.860 km) dira luzeenak. Bi horiek eta beste asko (Rhin, Elba, Sena, etab.) nabigagarriak dira eta komunikazio-bide garrantzitsuak.

Lau taldetan sailkatzen dira, urak zein itsaso edo ozeanotara isurtzen dituzten kontuan izanda:

• Ozeano Artikoan itsasoratzen direnak: Petxora eta Ipar Dvina ibaiak. Errusia iparraldeko lautada zabalak zeharkatzen dituzte, ur-emari handia izaten dute udaberrian eta udazkenean, eta neguan izoztuta egon ohi dira.
• Ozeano Atlantikoan itsasoratzen direnak: Rhin, Sena, Tamesis, Loira, Duero eta Tajo ibaiak. Nabigagarriak dira, emari handia eta erregularra dutelako eta ur lasaiak izaten dituztelako. Europa erdialdeko lautadak zeharkatzen dituzte.
• Mediterraneora itsasoratzen direnak: Ebro, Rodano, Po eta Tiber dira garrantzitsuenak. Ez dira oso luzeak eta haietako gehienek lurralde menditsuak zeharkatzen dituzte. Ur-emarian gorabeherak izaten dituzte eta ibilbide motza dutenean askotan uholdeak eragiten dituzte.
• Itsaso Beltzera edo Kaspiar Itsasora isurtzen direnak: Danubio, Dnieper, Volga, Ural eta Dniester ibaiak. Europako luzeenak dira, malda gutxikoak eta nabigagarriak.

Ondoko taulan ikus dezakezu Europako ibai nagusien luzera:

• Europako hidrografia